فيديو | السيسي يوجه التحية لشريف عامر ومبروك عطية.. اللي بيسمعنا له ثقافات مختلفة ولازم المتحدث يراعي ده
السيسي: مهم الأسر تبقى منتبهة لأبنائها وتشوف النقاط اللي ممكن يتفوقوا فيها
كتب- فارس فكري
أجرى الرئيس السيسي، مداخلة هاتفية مع الإعلامي شريف عامر، ببرنامج “يحدث في مصر” المذاع على فضائية “MBC مصر”، مساء الأربعاء، خلال استضافته للطفل أحمد تامر، حافظ القرآن الكريم في عمر الخمسة أعوام ونصف، والشيخ مبروك عطية.
وجه الرئيس التحية للإعلامي شريف عامر والشيخ مبروك عطية على ما يتناولاه من قضايا إعلامية.
وتحدث السيسي للشيخ مبروك عطية قائلًا: “أنا سعيد قوي بيك لتناولك القضايا المختلفة، وبقول إن اللي بيسمعنا له ثقافات مختلفة، ومش كله بيستقبل الكلام بنفس الفهم، حتى لو كان له واجهته العلمية.. فلازم المتحدث يراعي إن كل اللي بيسمعه مش زي بعضهم، وتقديري ليك، وللأستاذ شريف”.
وفي وقت سابق أثار مبروك عطية أزمة بعد رده على سيدة اشتكت من تعذيب زوجها وسحلها قائلا: النساء مبالغات في الشكوى، ودشن مغردون على مواقع التواصل هاشتاج للمطالبة بوقف الداعية الإسلامي، واتهموه بالتحامل على النساء، وتبرير الاعتداء عليهن.
وقالت السيدة إن زوجها سبق أن ضربها بسكين في ساقها، فقال مبروك عطية: “لحظة انفعال، أكيد استفزتيه، مضربكيش من غير سبب، لو قام من النوم أو رجع من الشغل ضربك يبقى مجنون، ولو مش مجنون يبقى أكيد فيه سبب، لا يصل رجل لهذه الدرجة إلا إذا تم استفزازه”.
واحتل هاشتاج «#اوقفوا_مبروك_عطيه» قائمة الأكثر تداولاً على تويتر بعد عرض تصريحات عطية.
وفي شكواها قالت السيدة خلال لقائه مع الإعلامي شريف عامر، ببرنامج «يحدث في مصر» المذاع على قناة «MBC مصر»، إن زوجها ربطها بـ«الجنزير»، لمدة 20 يومًا.
وقال السيسي للطفل أحمد تامر، حافظ القرآن: “ربنا يحفظك يا أحمد ويحميك من كل شر وسوء، ويخليك لأهلك، ما شاء الله عليك، ربنا يحميك أنت وأسرتك، وأهنئ والدك ووالدتك”.
وأضاف السيسي: “أنت عارف أنت حافظ إيه؟ ده كلام ربنا سبحانه وتعالى، أعز كلام وأكرم وأطيب كلام، البركة كلها معاك ربنا يحميك.. وخليني أقولك على حاجة الحفظ جميل ومهم، لكن الفهم كمان جميل ومهم”.
وتابع السيسي: “حبيت أعمل المداخلة عشان كل اللي بيسمعنا يعرف إننا محتاجين نهتم باللغة العربية، وحفظ القرآن، وتنظيم أوقات أولادنا”.
واستطرد السيسي: “في نقطة مهمة عايز أسجلها، مهم الأسر تبقى منتبهة لأبنائها وتشوف النقاط اللي ممكن يتفوقوا فيها، مش لازم بس في الحافظة القوية زي أحمد، في حاجات تانية كتير وكلها نعم من ربنا، ممكن تبقى أنشطة رياضية مثلا.. الملكات دي لو اهتمينا بيها هنلاقي النبت الجميل بيكبر ونبقى فرحانين بيه كلنا”.
وتابع الرئيس: “بقول لأحمد ولكل اللي بيسمعنا من المصريين مهم قوي تفهم، احفظ بس افهم.. الحفظ لوحده من غير فهم مش كفاية”، مكررًا كلمة “الفهم”.
وأضاف السيسي: “أنا زي جدك يا أحمد، وأدعوك في أول افتتاح تيجي تقرأ لينا ما تيسر من القرآن، وبستأذن الوالد وأسرتك، تبقى الشيخ بتاعنا في هذا اليوم، اسمحلي أدعوك لهذا الأمر”.
وجه الرئيس عبدالفتاح السيسي، التحية للإعلامي شريف عامر والشيخ مبروك عطية على ما يتناولاه من قضايا إعلامية.
وقال السيسي لشريف عامر: “أسجل تقديري ليك يا أستاذ شريف على تناولك للقضايا وللنماذج اللي بتجيبها، كتر خيرك”.
وأضاف السيسي: “أقدر الإعلام، وهذا المجال العظيم، واوعى تتصور اللي بيعمل في هذا المجال ملوش أجر.. له أجر كبير لأن المرء ليصدق ويتحرى الصدق حتى يكتب عند الله صديقا”.
وتابع الرئيس: “الإعلامي المخلص لرسالته له أجر كبير قوي، ولا ينقص ذلك من أجر أحد، التناول الإعلامي لأي قضية يجب فيه تحري الصدق للحصول على الأجر”.
وتحدث السيسي للشيخ مبروك عطية قائلًا: “أنا سعيد قوي بيك لتناولك القضايا المختلفة، وبقول إن اللي بيسمعنا له ثقافات مختلفة، ومش كله بيستقبل الكلام بنفس الفهم، حتى لو كان له واجهته العلمية.. فلازم المتحدث يراعي إن كل اللي بيسمعه مش زي بعضهم، وتقديري ليك، وللأستاذ شريف”.
