عاش لشهور بعيدًا عن أهله بسبب بكورونا.. حزن في مستشفى النجيلة على رحيل أمين المخازن بعد إصابته بالفيروس (صورة)
عبد الرحمن بدر
نعى مستشفى النجيلة المخصصة للعزل الصحي لمصابي كورونا في مطروح ناجي صالح، أمين المخازن بالمستشفى بعد وفاته متأثرًا بإصابته بكورونا.
وقالت المستشفى: “إنا لله وإنا إليه راجعون.. بكل الأسى والحزن تنعى إدارة مستشفى النجيلة وجميع العاملين بها واحدا من رجال المستشفى المخلصين/ ناجي صالح فرج الجراري-أمين المخازن بالمستشفى- الذي وافته المنية .. سائلين الله عز وجل له المغفرة والرحمة وأن يسكنه الفردوس الأعلى . ونحسبه عند الله من الشهداء”.
بدوره نعى د. محمد علام، نائب مدير المستشفى، صالح قائلا: “رجل طاهر اليد بشوش محب للجميع محدش زعل منه طول سنين عملنا معاه بطل بمعنى الكلمة، شهور بعيد عن أهله بيأدى دورة اللى عمره مقصر فيه ونشهد جميعا على ده”.
وأضاف: “مفيش حاجه هتعوض غيابه لكن مفيش بايدينا حاجه غير تخليد ذكراه والدعاء له وربنا يتقبل عمله وتضحيته ويجعله شفيع له”.
وتابع علام: “دول الأبطال اللى بتتكلموا عنهم ماتوا خلاص فضل شهور بعيد عن أهله ومش هقدر أحضر دفنته ولا عزاه ولا أشوفه الوداع الأخير”.
وقال علام: “عزائى لأهلك وكل زملائى ولنفسي صدمه هتاثر فينا مهما حيينا”.
واختتم: “لن أنساك مهما حييت يا حاج ناجى مش هنسي صوتك، أنا مش مصدق لحد دلوقت ومش قادر أصدق ربنا يصبرنا على فراقك، ادعوله بالله عليكم فى الأيام المفترجة دى وصلوا عليه صلاه غائب وادعولنا نقدر نكمل”.
