طبيب شاب يطلب الدعاء والدعم بعد إصابته بكورونا: «يا رب علشان خاطر البنتين الغلابة اللي مالحقتش أحفظ وشوشهم»

عبد الرحمن بدر

طلب الدكتور مصطفى السيد عبده، طبيب القلب بمركز القلب في المحلة، الدعاء والدعم بعد إصابته بفيروس كورونا، وامتلأت صفحات عشرات الأطباء بالدعاء بالشفاء العاجل للطبيب، مؤكدين أنه لم يتأخر عن علاج مرضاه، وأنه معروف بحسن الخلق بين زملائه.

مصطفى قال في منشور له بحسابه على (فيس بوك): «طاقتي بتخلص وجسمي اتهد حرفيا ونفسيتي قربت تنهار تماما.. مش مصبرني غير وعد ربنا بالكرم من عنده».

وقال في تدوينة أخرى: «يا رب علشان خاطر البنتين الغلابة اللي مالحقتش أحفظ وشوشهم بسبب الجري في الدنيا».

وتابع الطبيب الشاب: «المشكلة في الوقت اللي مش بيمر.. الدقيقة بتمر ستين سنة مش ستين ثانية.. ويا ريتها بتمر.. ولما بتمر ما بتبقاش عارف الدقيقة اللي بعدها هتحصلها وتمر ولا إيه هيحصل.. وما بتبقاش عارف الوقت ده كده في مصلحتك ولا بيلعب بذكاء ضدك.. أنا مش قادر فعليا ومرهق خلاص… ادعوا لي».

وقال مصطفى: «كفاية الرئة مفيش فيها هواء يفتحها.. كفاية القلب مع كل حركة أو لحظة تفكير ضرباته تقفز من خمسين لحد 130.. كفاية يبقى في حاجة بتسد القصبة الهوائية وأنت حاسسها لكن جهاز التنفس اللي قايم بالمهمة مكانك مش حاسس بيها وضغط قصاد ضغط والصدر عاوز ينفجر.. مش مهم أي أعراض».

يذكر أن نقابة الأطباء أعلنت إصابة مئات الأطباء بكورونا، ووفاة 161 طبيبًا بالفيروس منذ بدء كورونا في مصر مطلع العام الجاري.

وفي آخر حصيلة رسمية لضحايا كورونا أعلنت وزارة الصحة والسكان، أمس السبت، تسجيل 130 حالة جديدة ثبتت إيجابية تحاليلها معمليًا لفيروس كورونا، وذلك ضمن إجراءات الترصد والتقصي والفحوصات اللازمة التي تُجريها الوزارة وفقًا لإرشادات منظمة الصحة العالمية، بالإضافة إلى وفاة 16 حالة جديدة.

وأضافت الوزارة أن إجمالي العدد الذي تم تسجيله في مصر بفيروس كورونا المستجد حتى السبت، هو 99712 حالة من ضمنهم 77208 حالات تم شفاؤها، و 5511 حالة وفاة.