صبري السماك يكتب: أحلام اليقظة.. خط سير العملية السرية
نطلع من معركة ترميم الجسد والمعدة عند فسحة سمية غداء راقص إلى قهوة الندوة، ناخد اتنين شاي مع بشير وأخوك سيد محمود، وأبو الحسن لو موجود خطوتين تبقى في الحرية اتنين بيرة مع أخوك ربيع وأحمد حسن ياسر وباسل وفوزي واسيلي وطبعا ماسورة كلام بقى وذكريات
على تخريمة هدي شعراوي حاطط إيدك في جيبك ومركز، مع كلام الحيطان ومش عايز تفتكر حاجة، ولا تبص على تعابيرها بتاخد أشكال مخيفة نغمتها إن كنت ناسي أفكرك عايز أبدأ صفحة جديدة، اشوفك بعيوني أنا مَش بعيون كل الأحبة اللي راحوا. خلاص بقى ماتوا وماتت معاهم ذكرياتهم عيش هنا بقى، ايوة انت ماضي ماضي، ومفيش حاجة سادة جوعك لشهوة الماضي.
ويشب في قلبي حريق يقطعة ظهور شارع طلعت حرب ياسلام لو ابراهيم عبد الفتاح وداوود موجودين في ستيلا إيه الصحبه اللطيفة دي ممر استوريل باجراءات احترازية.
عرب وامل وباهو ومروة وسارة، منال، عزة، اميرة، سلمى، اسماء، ومالك، ورشا، وعايدة ويافا وسامية ورانيا ودينا ويحي، وائل، قسمت، بسام، طويلة، ناصر، مصطفى، الجزار، عادل وناس كتييييرة، هوبا الجنتل وياسر وهدي وحشني الواد يماني ومتولي.
على شوت تكيلة في كارول مع طارق لو موجود أو ويسكي مع خالد عبد الحميد وأمرنا لله طلة سريعة على الجريون بلاش كلام جد النهاردة كفاية خش على الهزل.
يا ترى ياسر وزينب وهاشم لسة فاتحين
تلف من الجريون تلاقي وجوه كتيييير قريبة وحبيبة تحضنك بحنانها
وأخيرا الملاذ
وأنا مهما تاخدني المدن
الممر بناسة.
وتوت توت توت. وصهللة
مع دقات القلب العالية على طلة الحبايب
بس يا سيدي اتفضل نام.
