روفيدة حمدي زوجة محمد عادل: كفاية كده 3 سنين و3 شهور حبس بتهمة نشر أخبار كاذبة.. سيبونا نعيش وإحنا هنختفي
كتب- فارس فكري
طالبت روفيدة حمدي زوجة الناشط السياسي محمد عادل الجهات المعنية والأمن الوطني بالإفراج عنه بعد تجاوز 3 أعوام و3 أشهر في الحبس الاحتياطي وتدويره من قضية لأخرى.
وقال روفيدة إحنا آسفن على نشر الأخبار الكاذبة ومش هننشر تاني، سيبونا نعيش وإحنا هنختفى أصلا ومش هتسمعوا صوتنا.
كانت محكمة الجنايات بالمنصورة، قررت، أمس الاثنين، تجديد حبس الناشط السياسي محمد عادل، لمدة 45 يوما احتياطيا، على ذمة القضية رقم 4118 لسنة 2018 إداري شربين، والتي يواجه فيها عادل اتهامات نشر أخبار كاذبة وإساءة استخدام وسائل التواصل الاجتماعي “فيسبوك”، ومشاركة جماعة إرهابية.
وقالت روفيدة: امبارح جنايات المنصورة جددت ٤٥ يوم لمحمد عادل في القضية رقم 4118 إداري شربين.
وتابعت: 3 سنين و3 شهور حبس احتياطي، تدوير مرة واتنين، والتهمة الكبيرة الفظيعة اللى مالهاش توصيف “نشر أخبار كاذبة”
طيب إحنا أسفين على نشر الأخبار الكاذبة ومش هننشر تاني أي حاجة، ممكن كفاية كده، ممكن تخرجوا محمد عادل، ممكن المسئول عن حبس محمد عادل يجرب يخرجه ولو أتكلم تاني يحبسه، أهو السجن موجود وإحنا موجودين وأماكنا ومحل إقامتنا معروفين لدى الجهات المعنية وجهاز الأمن الوطني، ممكن وسيبونا نعيش وإحنا هنختفى أصلا ومش هتسمعوا صوتنا!
#الحرية_لمحمد_عادل
وتجاوز عادل 3 أعوام وشهرين في الحبس الاحتياطي على ذمة أكثر من قضية، منذ القبض عليه في 18 يونيو 2018 وإدراجه على أكثر من قضية سياسية.
جدير بالذكر أن عادل وفور صدور القرار القضائي بإخلاء سبيله من القضية 5606 لسنة 2018 إداري أجا قد تم اقتياده من محبسه بسجن المنصورة إلى مقر نيابة أمن الدولة العليا بالقاهرة ليواجه للمرة الثالثة بذات الاتهامات في القضية رقم 467 لسنة 2020 حصر تحقيق نيابة أمن الدولة العليا لتصدر قرارها بحبس عادل احتياطيا لمدة 15 يوما يبدأ تنفيذها بحقه فور انتهاء حبسه في قضية نيابة شربين.
