د. منى مينا تكتب: هل تأخذ المستشفيات رسوم “أرضية” من الأطباء؟
وصلت لي حديثا شكوى عجيبة جدا .. جدا، الأطباء في عدة مستشفيات تابعة لمنظومة التأمين الصحي الشامل، بيشتكوا إن الإدارة نشرت قرار بيطلب منهم دفع مقابل “ركن” الطبيب للعربة بتاعته عشان يسمح له يركنها في المستشفى، أثناء فترة عمله!!.
في إيجار بالساعة ..وفي إيجار باليوم .. وفي اشتراك شهري مخفض -و الحمد لله- 200 جنيه بس !!.
الأطباء قالوا يمكن القرار صدر بدون مراجعة متأنية من الادار العليا .. لأن الكلام يبدو غريب ومش منطقي .. وقدموا شكاوى، لكن للأسف محدش رد عليهم، والأفظع بدأت تصل لهم انذارات بالتحقيق في الشئون القانونية ..عشان مش بيدفعوا فاوس الركن داخل مستشفاهم!.
بعيدا عن إن الـ 200 جنيه كتيرة ولا قليلة … لكن الحقيقة أنا لم اسمع اطلاقا عن موظف بيدفع فلوس لركن عربيته في مكان عمله، بجد يعني هم الأطباء ناقصين أسباب تطفيش ؟؟، مصر بتفقد الأطباء بمعدل رهيب وغير مسبوق.
والإدارة الجميلة دي، مش تنفذ النص القانوني الخاص “تحمل جهة العمل رسوم الدراسات العليا لأعضاء الفريق الطبي” كما نص قانون 14 وتعديلاته في نص واضح، لم يكتب له أن يرى النور من 10 سنوات، قبل ما تفكر تاخد فلوس “ارضية” من أطبائها؟ وتحولهم للتحقيق عشان الكلام العجيب ده ؟.
