د. خالد فهمي عن ميلاد علاء عبد الفتاح السابع بالسجن: محبوس ظلم زي آلاف المصريين اللي النظام مش قادر يستحمل صوتهم ولا رأيهم

فهمي: سجن علاء زي سجن آلاف من خيرة الشباب اللي كل جريمتهم إنهم بيحبوا بلدهم.. بلدنا تمر بلحظة من أحلك لحظات تاريخنا الحديث

عبد الرحمن بدر

قال الدكتور خالد فهمي، أستاذ الدراسات العربية الحديثة بجامعة كامبريدج: “النهار ده عيد ميلاد علاء عبد الفتاح، وللمرة السابعة علاء بيقضي عيد ميلاده في السجن محروم من حضن ابنه ومن أهله وأصحابه وحبايبه”.

وأضاف في حسابه على (فيس بوك): “علاء محبوس ظلم، زيه زي الآلاف من المصريين اللي النظام مش قادر يستحمل صوتهم ولا رأيهم، وبالتالي عمال يقبض عليهم كل ساعة وكل يوم”.

وتابع فهمي: “سجن علاء، زي سجن الآلاف التانيين من خيرة شباب مصر اللي كل جريمتهم إنهم بيحبوا بلدهم، بيجبرنا أننا نفكر في اللحظة القاتمة اللي بلدنا بتمر بيها، لحظة من أحلك لحظات تاريخنا الحديث”.

يذكر أنه يقضي علاء فترة الحبس الاحتياطي منذ اعتقاله في 28 سبتمبر 2019 بعد قضاء فترة المراقبة الشرطية المفروضة عليه، حيث ظهر في اليوم التالي لاعتقاله في نيابة أمن الدولة العليا.

ويواجه علاء في القضية رقم 1356 لسنة 2019 حصر أمن دولة عليا، اتهامات ببث ونشر وإذاعة أخبار وبيانات كاذبة، إساءة استخدام وسيلة من وسائل التواصل الاجتماعي “فيسبوك”، ومشاركة جماعة إرهابية مع العلم بأغراضها.

وكان علاء قضى فترة السجن 5 سنوات في الفترة من 2013 وحتى نهاية 2018، على خلفية حكم حبسه في القضية المعروفة إعلاميا باسم (أحداث مجلس الشورى).