بلال فضل ينشر رسالة من عبلة كامل بعد شائعة إصابتها بالسرطان: أنا في أحسن صحة وعافية وفخورة بفني وشغلي.. عيب كده

بلال فضل : الفنانة الكبيرة طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها

 عبلة: إيه اللي هيستفيده اللي يقلق حياة الناس بكلام كذب.. أنا اخترت نمط حياة سعيدة بيه وليس لي حسابات على السوشيال ميديا

عبد الرحمن بدر

نشر الكاتب الصحفي بلال فضل رسالة قال إنها من الفنانة عبلة كامل، وإنها طلبت منه توصيل الرسالة بعد ساعات من تداول أنباء عن إصابتها بالسرطان.

وكتب بلال في حسابه على (فيس بوك)، اليوم الثلاثاء: “الفنانة الكبيرة الأستاذة عبلة كامل طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها”.

وقالت عبلة: “عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا باتابع السوشيال ميديا ولا بانشر عليها أي شيء من أي نوع ولا مهتمة بده”.

وتابعت عبلة في الرسالة بحسب ما نشره بلال فضل: “أتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية، وباشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم”.

واختتمت: “أتمنى اللي يشوف الرسالة دي ويشوف بعدها كلام منسوب للأستاذة عبلة كامل يعمل ريبورت للحساب اللي بينشر الكلام ويساهم في قفله، وشكرا جزيلا لحضراتكم”.

وفي وقت سابق نفى الفنان أحمد كامل، زوج الفنانة عبلة كامل السابق، إصابة الفنانة بالسرطان.

وقال كامل في منشور له عبر صفحته على موقع التواصل الاجتماعي (فيس بوك): “الفنانة عبلة كامل بصحة جيدة، وما تردد عن حالتها الصحيه اليوم، كذب وخداع ورغبة في تحقيق مكاسب رخيصة على حساب فنانة كبيرة”.

والفنانة عبلة كامل، قدمت عددًا كبيرًا من الأعمال في السينما المصرية والدراما التليفزيونية، وهي من مواليد 17 سبتمبر 1960، وبدأت مسيرتها الفنية عام 1984، وتركت بصمة واضحة في الأعمال الفنية التي قدمتها خلال السنوات الماضية.