بعد يوم من عقوبات الأعلى للإعلام ضد المصري اليوم.. السيسي في إشارة لأزمة مقال نيوتن: محدش يقدر يقول له أهداف

السيسي : فيه مقالة اتكلمت عن سيناء وعن إمكانية الاستثمار.. طرحت أفكار.. وكل الكلام اللي اتقال مقدر

الإعلام لو عايزين يردوا يقولوا مين اللي يدفع 600 مليار جنيه عشان يعمل بنية أساسية وعوائدها أمن قومي

كتب- فارس فكرى

علق الرئيس عبدالفتاح السيسي، في افتتاح محطة معالجة مياه صرف المحسمة بسرابيوم، شرق قناة السويس، اليوم الأربعاء، على أزمة مقال “نيوتن” في جريدة المصري اليوم دون ذكر أسماء.

وقال السيسي إن الأيام الماضية شهدت نقاشا حول سيناء، مضيفا: “أنا مش عايز أتدخل فيه أوي.. فيه مقالة اتكلمت عن سيناء وعن إمكانية الاستثمار، طرحت أفكار، وكل الكلام اللي اتقال مقدر ومحدش أبدا يقدر يقول له أهداف”، في إشارة إلى مقال “نيوتن” حول سيناء المنشور في «المصري اليوم».

ونشر “المصري اليوم” عدة مقالات على مدار 4 أيام متتالية تحت توقيع “نيوتن” تحمل مطالبات باختيار حاكم لسيناء خاص بها وتحويلها إلى منطقة حرة عالمية غير خاضعة للقوانين المصرية مثل سنغافورا.

وعاقب المجلس الأعلى للإعلام جريدة المصري اليوم في قرار أصدره أمس الثلاثاء بغرامة 250 ألف جنيه ونشر اعتذار عن المقال وحجب الباب 3 أشهر، كما منع ظهور صلاح دياب في وسائل الإعلام وأحال رئيس لاتحرير إلى اللجنة التأديبية لنقابة الصحفيين كما أحال الواقعة إلى النائب العام.

وأضاف السيسي في مؤتمر الافتتاح: «كنت أتمني اللي عايز يرد يكون على علم بما نفعله.. نحن خلال 6 سنين ماذا فعلنا بسيناء؟.. إحنا صرفنا أرقام هائلة.. لما نتكلم عن سيناء كأرض 60 ألف كيلو 6% من مساحة مصر.. هل فيه حد مع كل احترامي وتقديري لرجال الأعمال والمستثمرين مستعدين ينفقوا ويعملوا طريق زي طريق شرم الشيخ أو طابا؟، أو النفق يكلفه مليارات كتير؟، لو اتعملت مش هتجيب تكلفة صيانته».

وتابع السيسي: «إحنا مهتمين بأننا نعمر سيناء بأنها تجتذب حجم من السكان اللي في الدلتا والصعيد بعد تعميرها».

واستطرد السيسي قائلا: «زمايلنا في الإعلام لو عايزين يردوا على حد بيتكلم، يقولوا مين ده اللي يدفع 600 مليار جنيه عشان يعمل بنية أساسية وعوائدها أمن قومي والأمن القومي لا يقدر بمال»