بعد هجومه على «الإرهاب والكباب».. السيسي يُشيد بعرض مسرحي عن استشهاد ضابط: «العمل الدرامي بيسجل وقائع يمكن مش بنعشها كلنا»

كتبت: ليلى فريد  

أشاد الرئيس عبد الفتاح السيسي، بعرض مسرحي ضمن فعاليات الندوة التثقيفية الـ 35 للقوات المسلحة، والذى يحكي قصة أسرة تتلقى خبر استشهاد ابنها الضابط، قائلا: “اسمحوا لى اشكركم أنكم خلتونا نعيش الحقيقة اللى بتعشيها أسر كتير بتقدم ابنها شهيد أو حتى مصاب، العمل الدرامى دائما بيوفر فرصة لنا كلنا يسجل وقائع يمكن إحنا مش بنعشها كلنا”.  

وأضاف السيسي، خلال كلمته في فعاليات الندوة التثقيفية الـ 35 للقوات المسلحة بمناسبة يوم الشهيد، الأربعاء: “العمل الدرامى بيدخل كل بيت.. ويشوفوا الناس قد ايه التمن اللى دفعته أسر بعد لما ربت وكبرت وعملت وضحت وقدمت، اللى قدمته شهيد أو مصاب بعد كان ملو الدنيا بقى شهيد، هو ملو الدنيا برضه، هو شهيد ملو الدنيا”. 

ومنذ أسبوع هاجم السيسي فيلم الإرهاب والكباب الذي أنتج منذ 30 عامًا، وقال السيسي: “بدل ما تجيب فيلم الإرهاب والكباب وتجيب المواطن بيشتكي خلي البلد خصم، المفروض تخلي السلبية هي الخصم، وتخلي المواطن اللي مش بيشتغل خصم”.  

وتابع السيسي خلال إطلاق مشروع تنمية الأسرة المصرية:”المواطن اللى مبيشتغلش هو اللى خصم، لما حولت البلد لخصم في 2011 هدوها، ولولا فضل الله علينا وكرمه لكانت البلد دى زى باقى البلاد اللى انتوا شايفنها ما قامتش تاني ولا رجعت تاني خلاص، واللى يروح.. يروح ميرجعش”. 

وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قاموا بها في سبيل الحفاظ على الوطن.