بعد أزمة استمرت لعامين.. بيومي فؤاد يبكي ويعتذر لمحمد سلام: لو زعلان مني أنا آسف 

كتبت: ليلى فريد  

وجه الفنان بيومي فؤاد، اعتذارًا صريحًا للفنان محمد سلام، مؤكدًا تقديره الكبير له. 

وقال بيومي فؤاد، خلال ظهوره في بودكاست «شقة التعاون» مع الفنان حسام داغر: “نفسي أشوفلك شغل في رمضان السنة دي، ربنا يوفقك ويصلح حالك، وأنا عارف معدنك كويس أوي، وربنا رب قلوب، يا رب الموضوع ده يعدي على خير، وإنت عارف مين بيومي فؤاد، ولو زعلان مني أنا آسف”. 

وكانت أزمة وقعت بينهما منذ عامين حين اعتذر سلام عن المشاركة في مسرحية بالسعودية بسبب حرب غزة، وهاجم بيومي فؤاد سلام من فوق مسرح سعودي، ورفض المشاركة معه في أي عمل فني بعد الأزمة.  

سلام قال في مقطع فيديو نشره بصفحته على (فيس بوك): “السلام عليكم ورحمة الله إن شاء الله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إن شاء الله يوم 30 أكتوبر. ”   

وتابع: هنعرض في وسط الأحداث اللي بتحصل في غزة، فأنا مش متخيل إني هروح أعمل مسرحية وأهزر وأرقص وإخواتنا في فلسطين عمالين يتقتلوا ويدبحوا ومفيش حاجة بتحصلهم.      

وأضاف: أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكرة إن شاء الله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل.    

وواصل: أنا إزاي أروح أعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وأرقص، مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني؟!، فأنا مش هقدر أعمل كده.   

واختتم: كان عندي أمل الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا.