بالفيديو.. مشادة كلامية بين وائل الإبراشي وكامل الوزير بسبب زحام المترو.. ووزير النقل ينهي المكالمة بشكل مفاجئ

الوزير يتهم الإبراشي بعرض صور زحام الخميس.. والإعلامي: اطلع أي صور لتوعية الناس والموضوع ليس شخصي

كامل: اللي حصل النهارده أنا قلته لأحمد موسى وسيد علي ونشأت الديهي.. والإبراشي: المسألة ليست موجهة لحضرتك

كتب – عبد الرحمن بدر

نشبت مشادة كلامية بين الإعلامي وائل الإبراشي، والفريق كامل الوزير وزير النقل، بعد عرض الإبراشي، فيديو لزحام داخل مترو الأنفاق.

حيث قال الفريق كامل الوزير وزير النقل، في مداخلة هاتفية لبرنامج «التاسعة»، المذاع عبر التليفزيون المصرى، مع الإعلامى وائل الإبراشى إن الفيديو الذي عرضه الإبراشى، كان يوم الأربعاء ساعة تطبيق لحظر، معلقاً: «غير مقبول تطلع صور يوم الأربعاء قبل الحظر بدقيقة، والنهاردة مكنش فيه».

ليرد وائل الإبراشي: «كان فيه زحام يوم الخميس يا سيادة الوزيرة». فقال الوزير غاضبا: «طلع صورة الأربع والخميس، فقال الإعلامي: «اطلع أي صور فيها زحام ونوعي الناس يا سيادة الوزير، وإذا أنت واخد المسألة إنها موجهه لحضرتك لا مش دا الهدف، الهدف إننا ننصح الناس وتعمل إيه في الزحام، حضرتك عاملها بشكل شخصي، أنا بقولك فيه زحام النهارده».

ليرد كامل: «فيه زحام أنت مارحتش، واللي حصل أنا قلته لأحمد موسى وسيد علي ونشأت الديهي، مكنش فيه زحام وركبت كل القطارات وشوفت كل المترو، بس تقول ايه اللى اتعمل وصور النهاردة ايه، يا أستاذ وائل انت إعلامى محترم، لو سمحت هات صور إمبارح والنهاردة وأول امبارح، وشوف الحكومة عملت ايه».

وأنهى كامل الوزير المداخلة غاضبًا:«أنا بشكرك يا أستاذ وائل على مجهودك واللى انت عملته ومتشكر جدا».