السيسي يُعلق على أزمة انقطاع الكهرباء: عندنا محطات تكفي ولكن إحنا عاملين موازنة على 65 دولار للبرميل والأسعار بتزيد
الرئيس من بني سويف: تحملكم فيه جبر خاطر كبير جدًا ليا أنا شخصيًا ومش سايب حاجة نقدر نعملها ومش بنعملها
كتب: عبد الرحمن بدر
علق الرئيس عبدالفتاح السيسي، على أزمة انقطاع الكهرباء، وقال إن تعود الحديث بصراحة.
وقال السيسي في كلمة خلال زيارته لبني سويف: عندنا محطات كهرباء تطلع اللي محتاجينة وبزيادة، طبعًا عندنا، لكن إحنا عندنا موازنة على رقم معين، عاملين على 65 دولار للبرميل طب لما يزيد السعر؟، الأزمة ليها انعكاس على أسعار كتير، حد يقولي طب إحنا بننتج غاز، ده من فضل، لو مش عندنا كانت المشكلة هتبقى كبيرة أوي”.
وتابع في كلمته: “حاسس إن ربنا ساترها علينا، وأرجو إنكم تقبلوا شرح ده، وبشكركم جدًا على الصبر والتحمل، مش بنأذي حد وبنحاول نكون عامل خير”.
وعن الزيادات في المرتبات، قال السيسي: “لو فيه فرصة أكتر من كده مش هنتأخر، محدش بيجيب حاجة من جيبه، هي محاولة لتخفيف ما أمكن عن الصعوبات اللي بيعيش فيها الناس كلهم، وتحملكم فيه جبر خاطر كبير جدًا ليا أنا شخصيًا، مش سايب حاجة نقدر نعملها ومش بنعملها، وبنبذل جهد كبير جدًا لندخل جزء كبير من الأراضي”.
وكان السيسي قرر توجيه الحكومة بتنفيذ زيادة علاوة غلاء المعيشة الاستثنائية لتصبح 600 جنيه بدلا من 300، زيادة الحد الأدني للأجور ليصبح 4 آلاف جنيه لكافة العاملين بالجهاز الإداري، رفع الحد الإعفاء الضريبي لـ45 ألف جنيه لكافة العاملين.
وتابع في كلمته، السبت: زيادة الفئات المالية لتكافل وكرامة، مضاعفة المنحة الاستثنائية لأصحاب المعاشات لتصبح 600 جنيه بدلا من 300، سرعة زيادة بدل التنكولوجيا للصحفيين، وقيام البنك الزراعي للتخفيف عن المواطنين.
يذكر أن الرئيس عبدالفتاح السيسي، زار محافظة بني سويف، وعزي الأهالي في ضحايا الإعصار دانيال الذي وقع بليبيا منذ عدة أيام.
ووجه حديثه إلى أهالى محافظة بنى سويف، قائلا: “كل مرة أقابل الشباب والشابات المتطوعين وأشوف الحاجات الجميلة اللى بيعملوها أقول ما حدش أبدًا رغم الظروف الصعبة اللى إحنا فيها هيوقفنا أبدا عن الطريق اللى إحنا ماشيين فيه، ونغير حياة أهالينا”.
جاء ذلك على هامش زيارة الرئيس عبد الفتاح السيسي، إلى قرية سدس الأمراء بمحافظة بنى سويف.
وتحدث السيسي إلى أهالى محافظة بنى سويف الذين احتشدوا لاستقباله في زيارته لقرية سدس الأمراء بمحافظة بنى سويف، قائلا: خلوا بالكم إن حياة كريمة بكم أنتم وأنا أشكركم جميعا.
ووصل السيسي، إلى قرية سدس الأمراء بمحافظة بنى سويف، والتقى أهالى القرية.
