السيسي يفتتح مشروعات بتوشكى ويتهم الإعلام بالتقصير في عرضها: مش عارفين نقدمهما كويس.. لما السد العالي اتعمل خد تركيز الناس

السيسي: نفذ مشروعات زراعية ضخمة في سيناء والدلتا وتوشكى وأي مشروع منهم كجهد هندسى وتكلفة مالية قد يكافئ السد العالي

كتب: عبد الرحمن بدر

اتهم الرئيس عبد الفتاح السيسي، الإعلام بالتقصير في عرض بعض المشروعات القومية، وقال السيسي، خلال كلمته في افتتاح عدة مشروعات في توشكى، الأحد: “المشروعات الضخمة دى مش عارفين نقدمهم كويس.. لما السد العالى اتعمل خد تركيز الناس من خلال الإجراءات المصاحبة للتنفيذ، لكن المشروعات دى مش اتعمل تصوير إعلامى أو جهد إعلامى لعناصر المشروع والتكلفة المالية للمشروعات الضخمة دي، لما تقولى 100 مليار لتنفيذ المشروعات الزراعية دى بأسعار الستينات في بداية السد، تكلفة السد بنتكلم في 500 مليون دولار بسعره وقتها، لما تكلفة المشروع في الستينات 500 مليون دلار، طب لو عاوز اعمل سد عالى تاني، ياخد منى الجهد وتطور المعدات وتطور في العمل الهندسى والمعدات ياخد الوقت اللى اتعمل فيه”.

وطالب السيسى، بضرورة الاهتمام بالمشروعات الزراعية الضخمة التي تنفذها الدولة المصرية حاليا، قائلا: “يا جماعة كل مشروع من دول مش ببالغ علشان اللى القائمين عليه يقيموا الكلام، اللى بيتعمل في سيناء سد عالى، اللى بيتعمل في توشكى سد عالي، اللى بيتعمل في الدلتا الجديدة سد عالى”.

وقال السيسي، إن الدولة المصرية تنفذ مشروعات زراعية ضخمة في سيناء والدلتا وتوشكى، أي مشروع من دول كجهد هندسى وتكلفة مالية، مش هنكون مبالغ قد يكافئ مشروع السد العالى”.

وأكد أن الدولة المصرية تسعى لتوفير المنتجات الزراعية ودعم الزراعة بشكل كبير، مضيفًا: “أقول كلام صعب، ده المستحيل، اللى بنعمله المستحيل، فى قياس معايير أي حد، 3 مشاريع ضخمة زى دول الدلتا وسيناء وتوشكى”.

وتابع السيسي: “بنتكلم عن مشروع توشكى، تسلمنى في نوفمبر السنة الجاية الأرض كاملة، مش بنتكلم نعملهم ازاى والتكلفة كام، بنقول اعملوهم، الكلام يتعمل.. يبقى ننام لا، لا نوم ولا راحة ونفضل نعمل كده في بلدنا لغاية ما نحقق بفضل الله اللى علينا”.

وأضاف: أنا بقول كده مش علشان الناس تمدحنا، عاوز أقول للناس في مصر اطمأنوا، واطمأنوا مش كلام، لما بنتكلم عن مشروع الدلتا الجديدة المواسير قطرها 2 متر يعنى الإنسان يقدر يمشى فيها، في 60 كيلو اتحفروا لنزول المواسير في خلال سنة ونص، مع تنفيذ المحطة في مشروع الدلتا، ومشروع تجميع المصارف، وتنفيذ شبكة رى وكهرباء في 500 ألف فدان، سواء المشروع ده أو المشروع بتاع سيناء، كل مشروع من دول ضخم”.