السيسي يرد على سؤال «مبسوط إنك رئيس مصر؟»: يؤتي الملك من يشاء وينزع الملك ممن يشاء.. بقوله يارب زي ما حملتني المسؤولية ساعدني
السيسي يدعو لإقرار تشريع بصندوق باسم «قادرون باختلاف».. ويؤكد: الرسول والصحابة مثلي الأعلى لأنهم كانوا رحماء
كتب: عبد الرحمن بدر
رد الرئيس عبد الفتاح السيسي، خلال احتفالية (قادرون باختلاف) على سؤال أحد الأطفال، مبسوط إنك رئيس مصر؟، قائلا: يؤتي الملك من يشاء وينزع الملك من يشاء، بقوله يارب زي ما حملتني المسؤولية ساعدني وارضني، دايمًا بطلب منه يساعدني.
وقال السيسي خلال الاحتفالية، الأحد: بقول للبرلمان والحكومة نحتاج تشريع بصندوق قادرون باختلاف نحط فيه رقم مش كتير، لكن لما كلنا نحط فيه نقدر نعمل اللي عايزينه، عايز الكل ينتبه للكنز اللي مش هيعرفوه غير يوم القيامة، انتو الكنز.
وأكد السيسي أن الرسول والصحابة مثله الأعلى، وأنهم كانوا رحماء، مضيفا: إحنا مش مثل جميل للإسلام والمسلمين.
وتابع: “بيني وبين التطرف والغلو عداوة، لأنهم بيدوا قبح شديد لإنسانيتنا، والرسول والصحابة قدوة هائلة بالنسبة ليا”.
ووجهت طفة من أصحاب الهمم، سؤالا إلى السيسى، قائلة: “أنت مبسوط وأنت قاعد معانا؟”، ليرد عليها: “هقولك بجد وربنا وحده اللى يعلم، أسعد يوم بكون فيه لما بكون معاكم، اليوم اللى بشوفكم وببقى فى وسطكم.. وجودك هو سبب السعادة، ربنا ينزل على قلبى البهجة والسعادة والسرور والرضا”.
