السيسي: هناك مشروعات معروفة لا تحتاج لدراسات جدوى.. مفيش عندنا وقت نفقده بالدراسات في الموضوعات المحسومة

المعايير المؤسسية لإدارة العمل قد تكون أحيانا معيقة للتقدم.. انتوا بتضيعوا وقت كتير وفرصة كبيرة جدا

فكرت اعمل مكتب لإدارة المشروعات الصناعية الجديدة واقعد على الحاجة لحد ما تخلص وأفضل أقول اعمل اعمل اعمل اعمل

كتبت: ليلى فريد  

قال الرئيس عبد الفتاح السيسي، إن هناك مشروعات تخص منتجات أو مستلزمات إنتاج لا تحتاج إلى دراسات الجدوي، مضيفا: “محتاج تعمل دراسة الجدوي لموضوع مهم ليه؟!، لما طرحنا مشروعات في قائمة عن منتجات ومستلزمات إنتاج بتاخدها مصر من بره بقالها سنين، القائمة موجودة في وزارة التجارة ووزارة المالية وتضم 150 منتجا”. 

وتابع خلال كلمته في افتتاح الملتقي الأول للصناعة:”ما قدرشي أقولك مش تعمل دراسة جدوي للموضوع يكون محسوب، لما أعمل موضوع مش عارف أبعاده والسوق بتاعه إيه، هل محتاج متخصصين؟، وأشوف فرصة للنجاح قبل تنفيذه، دي مشروعات لمستلزمات إنتاج ومنتجات السوق المصري مش محتاجة دراسة جدوي”. 

وقال السيسي: “لما نتكلم عن تصنيع إطارات السيارات، ممكن يقولك فيه اعتبارات قد لا تكون واضحة في تكلفة الإنتاج والمنتج بتاعي بالمقارنة مع صودا العيش، طب إزاي؟!، والهدف لكل الحاضرين والموجودين هنا من رجال الصناعة، مش بقي عندنا وقت نفقده في الدراسات.. في الموضوعات المحسومة”. 

وتابع: “أنت تفتكر حد هياخد طاقة أرخص سواء غاز أو كهرباء، طب لو هقول السعر بتاع الكهرباء وفق السعر العادي قد اللى بيدفع قد يصل إلى 10 مرات، إحنا حريصين على الاستقرار، انتوا بتضيعوا وقت كتير أوي وفرصة كبيرة جدا، أتصور أن أي تحدي عندنا في مصر وخلال السنين اللى فاتت بيولد فرصة، التحدي بيولد فرصة، مش عقبة، والأزمة بتولد فرصة”. 

وتحدث السيسي، عن طموحات العمل في القطاع الصناعي، قائلا: “قولت قبل ما أجي النهارده، اعمل أنا مكتب لإدارة المشروعات الصناعية الجديدة، واقعد على الحاجة لحد ما تخلص، وأفضل أقول اعمل اعمل اعمل اعمل.. أقل خسارة وأقل خطورة من أني مش اعمل عقبال ما أدرس وأشوف.. بقول الكلام ده لينا كلنا.. للتجارة والصناعة”. 

وأضاف: “بنتكلم عن معايير مؤسسية لإدارة العمل، وقد تكون أحيانا معيقة للتقدم، وحجم الضرر الناتج عنها، واللى عنده مشروع بـ 100 مليون يجيلي على طول”.