السيسي: مصر تكبدت 80 مليار جنيه بعد أحداث يناير.. وربنا اللي هيحاسبني لو أنا ضيعت الـ 100 مليون
السيسي: تعليم الطالب في الدول المحترمة يصل لـ 10 آلاف دولار.. تقول لي استحقاق دستوري للصحة والتعليم هل الدولة معاها هذه الأموال للـ100 مليون
كتب – أحمد سلامة
قال الرئيس عبدالفتاح السيسي، إن مصر تكبدت 80 مليار جنيه بعد أحداث 25 يناير، بخلاف ما تكبدته في سبيل محاربة الإرهاب والقضاء عليه.
وتابع خلال فعاليات المؤتمر الوطني للشباب بمحافظة الإسكندرية، مساء الأربعاء، أن الاحتياطي النقدي الذي كونته الدولة على مدار 20 عامًا، انتهى بعد عام ونصف بعد اندلاع ثورة 25 يناير، مضيفا “الاحتياطي اللي كان موجود بيرجع إزاي يعني؟ وبعدها ضربوا الكنائس والجوامع ومحطات الكهرباء”.
وتجدر الإشارة إلى أن السيسي كان قد أكد سابقًا أن ما حدث عام 2011 كلف مصر 450 مليار دولار.. وخلال كلمته في جلسة حوارية بالقمة العالمية للحكومات في دبي، استعرض التطورات التي شهدتها الدولة المصرية وتجربتها الاقتصادية خلال السنوات الماضية، وكشف رئيس الجمهورية أن التحدي الأول الذي واجه الدولة المصرية بعد 2011 هو التشرذم وفقد الأمل واليأس الذي عانى منه المصريون، موضحا أن مصر واجهت منذ 2011 مجموعة من التحديات، أبرزها الوضع الاقتصادي والفوضى.
وأردف السيسي، خلال تصريحاته اليوم الأربعاء، قائلًا: “ربنا اللي هيحاسبني لو أنا ضيعت الـ100 مليون مش أنت، أنا مش بخاف أبدا ولو كنت خفت كنتم كلكم في خراب ودمار للبلد دي، اوعوا تنسوا، وأنت تقولي يا ترى الحوار هيوصل لإيه؟ بتطلب الحد الأقصى للحوار ليه”.
واسترسل “كان ممكن نبقى كتير من المصريين رايحين على دول تانية، لكن الفضل لله مش لحد، ولما بقول كده الناس بتستغرب أوي، ده ربنا نجاكم يا مصريين”.
واستطرد: “اللي عمل انتخابات وجاب الناس دي مين؟ أنا اللي جبتهم؟ أنا اللي جبت الناس دي؟ أنا بتكلم بجد.. مش اتعملت حالة، الحالة أفرزت والدولة فكت، والأساس اللي موجود قبل كده مبقاش موجود، بعدين عملنا انتخابات البرلمان جاب اللي أنتم شفتوه، ومش راضيين، مرضتوش ليه؟”.
وتابع: “اتعملت انتخابات رئاسية وجابت اللي أنتم شفتوه، يعني خراب في خراب والله العظيم، طب عشان تتخلص من الخراب ده مشفتش تداعياته وربنا سلمها عليك، جاي تطلب كل حاجة كاملة؟ وكأن البلد مكنتش في أزمة كبيرة جدًا!”.
في السياق ذاته، تحدث السيسي عن أوضاع ملف التعليم قائلا إن مصر بحاجة إلى 2 تريليون دولار في العام الواحد، لتحقيق الاستحقاقات المطلوبة في مختلف المجالات.
وأضاف “معاك المبلغ ده، هتعمل استحقاق دستوري إزاي للتعليم؟ مش بتقولوا كده، أنتم عاوزين أضحك عليكم كلكم؟ تقول لي استحقاق دستوري للصحة والتعليم، هل الدولة المصرية معاها هذه الأموال للـ100 مليون، تعملهم تعليم فيه 25 مليون بني آدم في التعليم الأساسي، عاوزين أكثر من 500 مليار جنيه”.
واستطرد: “الطالب عشان تديله تعليم في الدول المحترمة، محتاج 10 آلاف دولار، يعني محتاج 250 مليار دولار، أجيبه منين ومصر تجيب منين؟ الأرقام المطلوبة مش موجودة يا جماعة، ولازم كلنا نبقى موجودين على أرض الواقع”.
