السيسي: مش عايزين تحلموا معايا لبلدكم ولنفسكم ليه؟.. إحنا قادرين نغير ظروفنا

السيسي: أكثر من 90% من أرض مصر صحراء ورايحين تبنوا على الأرض الزراعية اللى تشتغلوا عليه

كتب: عبد الرحمن بدر

قال الرئيس عبد الفتاح السيسى، إن الدولة تسعى لمواجهة البناء المخالف، مضيفا: “عاوزين نغيرها، وعندنا أكثر من مليون وحدة سكنية والوحدة السكنية اللى بتتعمل دى من أموال مصر.. محدش بيجيب حاجة.. دى من بلدنا، وبالمناسبة نص مصر كده.. معرفشى بناخد بالنا من المشكلة ولا إيه؟!”.

وتابع السيسى، خلال كلمته فى افتتاح مشروعات إسكان بديل للمناطق غير الآمنة: مش عايزين تحلموا لبلدكم ولنفسكم ليه.. إحنا قادرين نغير ظروفنا، أنا بنشئ حياة متكاملة في كل شيئ، وإحنا بنعالج أوضاع سابقة، ومش هتتعالج غير إننا كلنا نكون مع بعض، مش عايزين تحلموا معايا.

وقال السيسي: ما حدث من غرق في مدينة الصف خلال الأمطار بالعام الماضى كانت أراضي زراعية”، متابعا: “مش عملنا حاجة أو مشروعات إسكان أو غيرها على أرض زراعية.. وعملنا على أرض صحراوية فقط.. اوعى يكون الموضوع ده اهتمام الحكومة أو الرئيس فقط.. ينفع مش تحافظوا على الأرض الغالية الزراعية بالطريقة دى.. وتسيبوا صحراء مفتوحة؟!”.

وأضاف السيسى: “أكثر من 90% من أرض مصر صحراء.. ورايحين تبنوا على الأرض الزراعية اللى تشتغلوا عليها؟!، ينفع أسيب الأرض الزراعية اللى هشتغل عليها وجاهزة بشكل كامل للزراعة، ولازم نشتغل على الأرض الصحراوية”.

وشدد السيسي، على ضرورة حل مشكلة المخلفات والقمامة، ومواجهة البناء غير المخطط، مشيرًا إلى أن حجم المخلفات يصل لـ 40 مليون طن، متابعا: “أي قضية اتكلمنا فيها نهتم بها كدولة وحكومة ومواطنين، ولا يمكن النجاح فيها إلا إذا كنا جميعًا مع بعضنا البعض”.

وقال السيسي:” نحتاج لعمل برنامج نظافة كويس، وسنواجه مشاكلة البناء غير المخطط.. وفي هذه الحالة أمامي خيار من اثنين، يا أشوف وأسكت.. يا أشوف واشتغل.. وأنا معرفش أسكت وأنتوا متسكتوش ولازم أحل القضية.. حيث أن حجم المخلفات التي تصدت لها الحكومة في الـ 3 سنوات الماضية 2.8 مليون طن.. ودى مش قضية رئيس ولا حكومة بل دولة وناس”.

وتابع:”ياجماعة فيه دولة فى العالم حجم مخلفاتها 2.8 مليون طن، لا لازم نخلى بالنا من نفسنا شوية.. وإحنا بنحاول نصلح”.