السيسي: لو مفيش ايد من حديد كانوا دبحوكم في 2013 ولا كنتوا هتقدروا كلكم تعملوا حاجة.. واللي شايف إن عنده القدرة لحل الملفات يتفضل وأنا هساعده
كتبت: ليلى فريد
قال الرئيس عبد الفتاح السيسي، إن قدرات الدولة الاقتصادية لا تسمح بتقديم الخدمة المرجوة للمواطنين، الدولة قدراتها ما تقدرش، هى إمكانياتها كده.. وإن كان حد يقدر يعمل حل يجي وأنا هبقى سعيد بيه”.
وأضاف في مداخلة هاتفية مهمة مع الإعلامي يوسف الحسيني، ببرنامج “التاسعة” بالقناة الأولى بالتليفزيون المصري:”هعلم الناس كويس إزاى ومنين، وكذلك الصحة، والأسرة لدينا 50% من المطلوب، أنا بقول الكلام ده بنفسي، الكلام خطير جدا، هل إحنا مش شايفين ولا مش عارفين نشوف ولا إحنا بنحط كلام جنب بعضه وخلاص”.
وتابع: “في 2013 لو مفيش إيد حديد كانت الناس اللي في الشارع اتدبحت، وما كانش حد يقدر يرفع صوته، لولا إن فيه جيش قوي وقادر وأنا كنت شاهد عيان في كل شىء”.
وقال السيسي، إن تطوير التعليم يحتاج إلى 250 مليار جنيه حتى يكون تعليما لائقا بالمصريين، أنت بتدي للمدرس 3000 و4000 هتاخد منه إيه في التعليم، ولما نتكلم عن المواطن الغلبان اللي هو 60% و70% وبيدخل ابنه مدارس حكومية هيعمل إيه”.
وأكمل: “اللي شايف إن عنده القدرة لحل الملفات يتفضل وأنا هساعده وأصفق له، البلد ظروفها في حتة وكلام الآخرين في حتة تانية خالص، واللي بيتقال مايصحش كده”.
