السيسي: «لو مش عايزني أبقى موجود هنا معنديش مشكلة».. ولو الدولة غابت تاني هنبقى بنأجل التطوير 100 سنة
عبد الرحمن بدر
حذر الرئيس عبد الفتاح السيسي، من خطورة تأجيل تنفيذ المشروعات الكبرى، وقال السيسي، أثناء افتتاح عدد من المشروعات القومية في نطاق محافظة الإسكندرية، اليوم السبت، «الدولة غابت قبل كدة ومينفعش تغيب تاني؛ لأنها لو غاب تاني هنبقى بنأجل التطوير 100 سنة، وأنا مقدرش أقبل بكدة».
وأضاف: «لو مش عايزني أبقى موجود هنا معنديش مشكلة، لكن لا يمكن أبدًا أبقى موجود إلا والإصلاح قدام عنيا».
وقال السيسي، إن التعدي على الأراضي الزراعية والبناء غير المخطط خطر يهدد ويدمر الدولة المصرية.
وأضاف خلال افتتاح عدد من المشروعات القومية: «عاوز أقولكم في كل مشروعاتنا هتجدوا تشكيك وناس بتتكلم بشكل سلبي، هدف المشروعات المصلحة للكل، النهارده المحور بيدي حرية حركة كبيرة، ده المحور الرابع من محاور الإسكندرية. محمور المحمودية هيوصل للبحيرة».
وتابع السيسي: «القنوات المسيئة بيقولوا شوفوا المصريين بيهدوا جوامع ربنا، طب يارب تبقوا زينا في إنكم تعملوا حساب لربنا، انتوا بتخربوا في الشعوب، لكن إحنا بنبني ونعمر، كنا بنتعاير بفقرنا ويقولك شوف خيبتهم عاملة إزاي».
وقال السيسي إننا نعاني من مشكلة التعدي والبناء غير المخطط، وأكد أن الأمر خطير خطير جداً.
وأضاف الرئيس السيسي أنه حذر من التعدي على الأراضي الزراعية منذ 5 سنوات.
وتابع السيسى: «كل واحد عنده قيراط أو اتنين يحط سور حواليهم وكده بقى عنده أرض مباني، مع إن الأراضي الزراعية بالرى الحديث تجيبلك إيراد أكتر».
وواصل: «انتوا ليه مش عايزين تساعدونا، ومصرين على مواقفكم، بتحلموا ببلد متنظمة ومترتبة وزى الفل ولا كل واحد عايز يعمل اللي هو عايزه».
وتابع السيسي: «القنوات المسيئة اللي عايزة دايما تكلمكم كلام مايرضيش ربنا بس هم والله ما يعرفوا ربنا، بقى إحنا بنهد جوامع ربنا؟ أستغفر الله العظيم، يارب تبقوا زينا في عمل حساب لربنا».
