السيسي للحكومة: آخد تمام بإزالة التعديات على المجاري والمنشآت المائية خلال 6 أشهر ولو تطلب الأمر نزول الجيش
السيسي: وقف الدعم عن أي شخص يتعدى على الأراضي الزراعة والمصارف.. وما يحدث في مصر فوق الخيال
كتب: عبد الرحمن بدر
قال الرئيس عبد الفتاح السيسي، إنه سيتم وقف كل الدعم المقدم للحكومة من خبز أو دعم تموينى أو غيره لمن يخالف أو يتعدى على الأراضى الزراعية أو الترع والمصارف.
وأمر السيسي الحكومة خلال كلمة، في افتتاح محطة معالجة مياه بحر البقر بإزالة كل التعديات المقامة على المجاري والمنشآت المائية خلال 6 أشهر حتى وإن تطلب الأمر نزول الجيش.
وأضاف: كل التعدى على المنشات بتاعت الجسور والترع ومنشات الري خلال الـ 20 سنة، ده وزارة الداخلية والمحافظة ولو القوات المسلحة محتاجين لازم الكلام ده خلال 6 شهور آخد تمام انه اتشال، إحنا مش هنتحايل على حد، هو حد يغتصب أرض الدولة ونقول علشان خاطر مصلحتهم أصل هم حياتهم مهددة بالخطر هو أنت تاخد حق الدولة واتحايل عليك”.
وقال السيسي إن الدولة تسابق الزمن لاستعادة كفاءة المنشآت المائية، ولكن المواطن عليه دور أيضًا بجانب الحكومة، وما يحدث في مصر فوق الخيال.
وتابع السيسي: “إن تطلب الأمر نزول الجيش يا محمد ينزل، وكل الجسور ترجع زي ما كانت، وكل بيانات الناس دي تكون معانا، وهعمل وقف كل الدعم من خبز وتموين لأي حد مخالف، ويتعدي على الأراضي الزراعية والترع والمصارف، هيبقى مش مقبول إن حد يتعدى”.
