السيسي عن الأوضاع الاقتصادية بإفريقيا: يارب لو أعطيتني والله ما هسيب دولة إلا لما أساعدها.. من حق الناس تعيش وتكبر وتحقق أحلامها

الاستقرار والأمن إذا غاب عن دولة اوعوا تتطلبوا من الدولة دى إنها تتقدم أبدا.. الناس بتخاف على فلوسها 

كتبت: ليلى فريد  

قال الرئيس عبدالفتاح السيسي: أنا في مصر وأنا بحلم لأفريقيا برضه والله بحلم لأفريقيا لأنهم ناس ومن حق الناس تعيش وتكبر وتحقق أحلامها وأحلام شبابها وتعيش في مكان تاني غير المكان اللى موجودين فيها دلوقتي. 

وتابع خلال افتتاح فعاليات اجتماع البنك الافريقي للتصدير والاستيراد: “بقوله يا رب لو اعطيتني ما هسيب دولة إلا لما أساعدها، لأن إفريقيا لن تعبر ما هي فيه إلا لما نكون قلوبنا على قلب بعض وتجاوز أي خلافات ومشاكل من أجل مستقبل نغير فيه الواقع إلى مستقبل أفضل”. 

وخاطب السيسي مجتمع المال والمصارف قائلا: “بقول لمجتمع المال والمصارف إفريقيا أمانة في رقابتكم..والمليار شوية مواطن أمانة في رقابتكم”. 

وأكد أن تكلفة تأهيل وزراعة مليون فدان يصل إلى 200 مليار جنيه أى ما يعادل 30 مليار دولار، مضيفا: “دى القضية بين الواقع المطلوب والقدرة على تغييره علشان تزرع المليون فدان بتتكلم في 200 مليار جنيه يعنى 30 مليار دولار.. بدير بالأرقام دى واقع انا بعيشه علشان أحول مليون فدان غير قابلة للزراعة الى قابلة بتكلم في الأرقام دي”. 

وتابع: “علشان تروح تعمل صناعة في دولة إفريقية قيمة مضافة للحديد والنحاس فقط انت عاوز الكهرباء والمصنع والطرق والسكة الحديد تحتاج إلى أموال واستثمارات ضخمة جدا، أول عقبة توفير التمويل اللازم لبنية أساسية تحقق اللي إحنا عاوزينه”. 

وأضاف: “حلم الشعوب وآمالها وقدرة الدول على تنفيذه، مشكلة أخرى إن الناس عاوزة واللي عاوزاه قد تكون الدولة غير قادرة على تحقيقه على الأقل في منظور زمنى مناسب، فمحتاج زمن مش محتاج إرادة وخطط لا..إزاى تحقق الاستقرار والامن للشعوب اللى هي بتحلم على تحقيق آمال وطموحات طيب قدرة الدولة على تنفيذه قد إيه؟، كام مننا فى أفريقيا من دول العشرين”. 

وقال السيسي:”الاستقرار والأمن إذا غاب عن دولة اوعوا تتطلبوا من الدولة دى إنها تتقدم أبدا، لن تتقدم، أنا بقول الحالة اللى بنصف بيها بلادنا هو استقرار ولا عدم  استقرار، فيه استقرار يبقا فيه أمل، مافيش استقرار يبقا مافيش أمل، محدش حتى القطاع الخاص اللى هما مواطني البلد لو جيت قلتله تعمل مشروع عندك لو مكنتش مطمنلها أروح بلد تانية دى فلوس ناس.. والناس بتخاف على فلوسها”.