السيسي عن ارتفاع أسعار الكهرباء: أنا وفرت لك خدمة وأحب كل واحد ياخد حقه
السيسي: خلوا الناس تشوف توشكى وشرق العوينات لأن فيه تشكيك فيما تنفذه الدولة من مشروعات.. وكل مشروع سد عالي على الأقل
كتب: عبد الرحمن بدر
قال الرئيس عبد الفتاح السيسي، إن الدولة المصرية تواصل العمل في تنفيذ العديد من المشروعات الكبرى في مختلف المجالات، مضيفًا: “لأهالى الصعيد لازم نشوف حجم الجهد المبذول، ده شغلنا وبنعمله ولو مش عملنها يبقى مقصرين، وهنعمل أكثر كده وإمبارح كنا في توشكى”.
وتابع السيسى، خلال كلمته في افتتاح مشروعات جديدة في قطاع الكهرباء بالصعيد، الاثنين: “خلوا الناس تشوف توشكى وشرق العوينات وغيرها، لأنى بيكون فيه تشكيك فيما تنفذه الدولة من مشروعات، خليهم يبنوا الأمل، كل مشروع ده سد عالي على الأقل، عاوز الناس تشوف علشان المعنويات ترتفع والثقة تزيد بأن الدولة قادرة تأخذ وتحسن وضعها وتبقى في مستويات أفضل”.
وقال السيسي إن المشروعات الجديدة التي يتم تنفيذها في محافظات الصعيد يعمل فيها شباب الصعيد، مضيفا: “المحطة الجديدة بتاعت الطاقة الشمسية بيشغلها القطاع الخاص وأهل الصعيد أولى للشغل فيها”.
وأضاف: “خلوا الناس تشوف المحطات الطايرة ماشية فوق المحطة 5 دقائق، دى حاجة عظيمة، نوفر فرصة لشباب الجامعات والمدارس لو أمكن يشوفوا الكلام ده والأمور في البلاد تتجه للأفضل”.
وقال السيسي: “كانت المشكلة في 2014 إن إحنا ننتج كهرباء بس؟ لأ، ننتج وننقل ونخلي جودة توزيعها عالية، علشان نعمل ده اتكلف تريليون و 58 مليار جنيه بدون تكاليف مشروعات حياة كريمة، الرقم ده لما أتحط، كتير مننا قال هل كان مطلوب مننا؟ هل كان فيه خيار تاني؟ لأ.
وأضاف: “لما باتكلم مع الناس يقولوا الكهرباء غالية علينا، صحيح، هي غالية لكن مش عاوزين نغليها عليكم، أحب كل واحد ياخد حقه، أنا وفرت لك خدمة، حوكمة إجراءاتنا اللى إحنا بنعمله نستهدف منه تحصيل ولا لأ؟ لو مش بنحصله هايبقى فيه عجز مش هتقدر الدولة تتحمله، دولة ذات شأن وننمي أنفسنا وندي فرصة للقطاع الخاص والصناعة إنها تنمو وتستقر، ولو مفيش كهرباء المصانع هتقفل مصانعها والعمالة هاتبقى بره والبلد دي هتتهد”.
