السيسي: شركة العاصمة الإدارية تريد تأجير الحي الحكومي للدولة بـ4 مليارات جنيه في السنة.. والجمهورية الجديدة محتاجة أرقام كبيرة جدًا

كتبت: ليلى فريد  

قال الرئيس عبد الفتاح السيسي، إن شركة العاصمة الإدارية ترغب في تأجير المقرات داخل الحي الحكومي، مضيفًا: العاصمة فيها حاجات كتير، كل اللى عملته كشركة وعلشان كده عاوزة تأجر المنشآت، منشآت الحي الحكومي عاوزه تأجر منشآت الحي الحكومي بكام بقي في السنة يا دكتور معيط بـ 4 مليارات جنيه في السنة  

 وتابع خلال كلمته في افتتاح عدد من مشروعات مصر الرقمية: “الناس كتير تتكلم وتقول انتوا بتجيبوا الفلوس دي منين، الحي الحكومي جايبينه منين، والعاصمة جايبنها من أموال الحكومة، بالنسبة للموارد مفيش إلا الأفكار، وعلشان كده شركة العاصمة عملت وبتقول 4 مليارات جنيه في السنة”.  

وقال السيسي: “عملنا ده علشان نقول للناس إذا كنتم بتتكلموا فى التعليم وعاوزين تعرفوا التعليم اللى يبقا ليه فرصة حقيقية لبلادنا وأولادنا فى العمل، اللى إحنا بنتكلم عليه اليوم كله معمول علشان كلنا ننتبه ونهتم ونبذل الجهد سواء التعليم أو المبادرات المطروحة أو حتى اللى ممكن يتعمل علشان ندى فرصة حقيقة للموضوع”.  

وأكد السيسي، أن الدولة المصرية جادة في ملف التحول الرقمي، مضيفا: “لما الدولة المصرية تجي تعمل موضوع زي ده، علشان تحقق التحول الرقمي بعد كان بتشتغل ورقي، وإحنا شغالين دلوقتي بنعمل ذكاء صناعي يكون فيه جزء من العمل يكون فيه ذكاء صناعي.. الرقم كام وكلفنا كام”.  

وأضاف: “علشان تعرفوا أنه لتحويل الدولة دي إلى دولة نقول عنها جمهورية جديدة، أرقام كبيرة جدا جدا، الحكومة دفعت كام”.