السيسي: سعر الصرف في مصر “مرن” ونتدخل عندما يؤثر على الأمن القومي.. ونحتاج لـ 90 مليار دولار لتوفير المستلزمات من الخارج
السيسي: الدولة كانت تلجأ للأسواق المالية للحصول على الدولار وتقليل الفجوة.. إحنا حلينها لغاية مبقناش قادرين نحل
كتب – أحمد سلامة
قال الرئيس عبدالفتاح السيسي، إن سعر الصرف مرن في مصر، مؤكدًا أن الدولة تتصدى للملف عندما يتعرض الموضوع لأمن مصر القومي والشعب المصري.
وأضاف خلال فعاليات المؤتمر الوطني للشباب بمحافظة الإسكندرية، مساء الأربعاء، “عندما يتعرض الموضوع لأمن مصر القومي والشعب المصري يضيع فيها، لا، هذا الموضوع أقوله على الهواء”.
وتابع “عندما يكون تأثير سعر الصرف على حياة المصريين وممكن يضيعهم لا إحنا منقعدش في مكاننا منقدرش، حتى لو ده كان بيتعارض”.
وأشار إلى ارتفاع سعر كيلو اللحوم إلى 300 جنيه بسبب سعر الصرف، مضيفًا: “السعر بـ30 و35 وعاوز تحسبه كده، لو عاوز تخليه 50 و60 المواطن يعمل إيه؟”.
وقال السيسي، إن مصر بحاجة إلى 90 مليار دولار لتوفير مستلزماتها من الخارج، مناشدًا الجميع العمل على تقليل الفجوة الدولارية.. موجهًا حديثه للمستثمرين “لكل اللي بيسمعني من رجال الأعمال والشباب والمصريين، لازم نشتغل عشان نقلل الفجوة الدولارية”.
وذكر أن الدولة كانت تلجأ للأسواق المالية؛ من أجل الحصول على الدولار وتقليل الفجوة، معقبًا: “طب إحنا عملنا إيه السنوات اللي فاتت، كنا بننزل نجيب من الأسواق، إحنا حلينها لغاية مبقناش قادرين نحل”.
وأكمل: “ننزل الأسواق نشتري 3 و4 مليارات دولار عشان ندي للبنك المركزي، عشان نحافظ على الـ34 مليار دولار في البنك المركزي لتوفير طلبات 4 أشهر”.
واستطرد: “كنا بنجيب من الأسواق ونزود حجم الدين علينا، خلاص منقدرش نعمل كده تاني، لازم نواجه اللي إحنا فيه وكلنا نقلل فاتورة استيرادنا بالدولار ونزود الصادر بالدولار بصناعات كثيرة تدخل”.
ونبه السيسي إلى ما وصفه بـ”أهمية الانتباه عند الحديث في ملف سعر الصرف”، قائلا “وأنت بتتكلم وبتقرب لسعر الصرف انتبه لا يدخلك في أزمة فوق خيالك”.. مضيفا “العديد من الخدمات والمنتجات المستوردة تُسعر بالجنيه على قيمة الدولار”.
وذكر أن إنتاج الأعلاف داخل مصر، يجعل المنتج غير متأثر بصورة كبيرة بسعر صرف الدولار، مضيفًا: “طن الذرة من الخارج تسعره على 8 جنيهات للدولار ولا 16 ولا 30؟ ومنتج اللحوم لو سعرت بـ30 و40، كيلو اللحمة يبقى بكام؟”.
