السيسي خلال افتتاح مشروعات بتوشكى: مفيش زراعة تاني لنباتات زينة.. مصر معندهاش وقت ومقدرش أغامر على الأمن الغذائي
السيسي: خلال أكتوبر القادم نقدر نخلص تحويل المشروع إلى أراضي منتجة.. والفلوس بتتجمع من الوزارات
كتب: عبد الرحمن بدر
قال الرئيس عبد الفتاح السيسى: مفيش زراعة تانى لنباتات زينة، مفيش زراعة تانى يعنى شوفوا الموضوع ده، أي نقطة مياه لنباتات موسمية نستخدمها.
وتابع خلال افتتاح عدة مشروعات بتوشكى: “العمل في المشروعات الزراعية الجديدة يحتاج المزيد من الجهد، بقول الكلام علشان أقول للناس اللى بتسمع وتتكلم، الموضوع علشان تتعمل تحتاج إلى جهد ووقت، ومش ينفع ناخد رأي، لازم نقول الحقيقة.. كنا المفروض نعمل كده، المشروع ناجح، 60 % فيه أرض فيها صلاحية 60 % هل فيه أرض صالحة للزراعة أكثر من توشكى”.
وأضاف: “الموضوع في التنمية والبناء أعمق من أنه يتقال رأى كده، المطروح هنا 100 مليار جنيه، الفدان بيتكلف 200 ألف جنيه من أجل الزراعة فقط، هل ممكن نشكل عبء على المستثمر ونقوله اعمل كده، هيقولولى اعمل النص مليون اللى أنت عاوزهم على 100 سنة مثلا، مصر معندهاش وقت، مقدرشى أغامر على الأمن الغذائي لمصر”.
وتابع السيسي: “لأول مرة في تاريخ سيناء أرض زراعية زراعة نص مليون فدان، كل 5 فدانين يعيش عليهم أسرة، يعنى 100 ألف أسرة، يعنى الحياة لنص مليون إنسان، بدلا من البيئة دى مش تكون داعمة للاستقرار، بقول الناس اللى بتتفرج علينا انبتهوا أوى لكل كلمة بتققال هنا، بنتكلم بقالنا سنة مع دراسات في الزراعة والرى والهيئة الهندسية”.
وشكر السيسي القائمين على مشروع توشكى، قائلا: “كل الشكر للقائمين على هذا العمل سواء الشركة الوطنية أو الهيئة الهندسية أو الشركات المدنية، أكثر من 80-90 شركة مدنية قطاع خاص شغالين معانا في كافة مراحل المشروع ومحطات المعالجة أو الطرق وغيره”.
وأضاف السيسي: “خلال أكتوبر من العام القادم نقدر نخلص تحويل هذا المشروع إلى أراضى تنتج خير لمصر”، متابعا: “محدش أتكلم عن الصناعة، فيه مصانع تصنيع زراعي، وثلاجات بـ 60 ألف طن.. ومصانع للتعامل مع المنتجات، إحنا نقدر نعمل حاجة إن شاء الله، اللى بنعمله مش بعيد عن الوزارة، مجلس الوزراء وكل الوزارات المعنية معانا، كل وزير يقوم بدروه والفلوس بتتجمع من الوزارات”.
