السيسي: خافوا على بلدكم لو اللي مسؤول عنكم إيده “متعاصة” بدم الناس.. والظروف الصعبة ستمر
السيسي خلال خلال زيارته مقر كاتدرائية ميلاد المسيح: القلق ربما يكون مبررا والظروف الصعبة كانت موجودة في أوقات سابقة
فيه حاجات كتير بنعملها محدش من الناس تاخد بالها كتير منها.. وأتابع كل الأمور وأعلم كل ردود الأفعال
قال الرئيس عبد الفتاح السيسي، إن الظروف الصعبة ستمر بسلام، والقلق ربما يكون مبررا والظروف الصعبة كانت موجودة في أوقات سابقة.
وأضاف: “لو اللى مسؤول عنكم إنسان مش كويس أو إيده “متعاصة” بدم الناس خافوا على بلدكم، بس الحمد لله رب العالمين لا دي موجودة ولا دي موجودة”.
وتابع خلال زيارته مقر كاتدرائية ميلاد المسيح بالعاصمة الإدارية الجديدة: “أتابع كل الأمور وأعلم كل ردود الأفعال، ونقوم في مصر بأشياء ربما يغفل عنها الكثيرون”.
وأضاف: “إن شاء الله عام سعيد، وسنة إن شاء الله تبقى بفضل الله سبحانه وتعالى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت”.
وواصل: “بقول القلق مبرر ومشروع يمكن، طب ما السنين اللي فاتت كان فيها قلق، وإن شاء الله تعدي الأمور بسلام، احنا هنا في مصر في حاجات كتير اوي بنعملها محدش من الناس تاخد بالها كتير منها، أول حاجة فيها، إن احنا مش ناسيين إن في رب، وإن الرب ربنا سبحانه وتعالى”.
وأوضح :”يمكن حد ينسى مع الظروف يتهيأله إن الأمور مش ممسوكة كده، مش بينا احنا، البشر، لا الدنيا مش متسابة كده، احنا مؤمنين بالله كلنا صحيح لكن مش عاوزين ننسى، لازم كلنا نبقى متأكدين من النقط دي، لازم كلنا نعرف إن ربنا موجود ومحدش يقدر يعمل أي حاجة في الوجود اللي احنا فيه ده إلا بأمر الله سبحانه وتعالى”.
وأكد: “إحنا كدولة، كانت دايما بتتعامل مع الأمور بشرف كبير، وبأمانة كبيرة، وبنزاهة كبيرة”.
وقال السيسي: حجم الوعي والفهم اللي موجود عند المصريين حجم ضخم جدا، بيخليهم فاهمين وشايفين ومش بس كده مستعدين يتعاملوا مع أي أمر ممكن يشوفوه جوا مصر أو برا مصر، فاهمينه كويس.
