السيسي: المفروض الأسعار في مصر تبقى أكتر من كده بكتير وأنا مش بقول كده مجاملة للحكومة (فيديو)
كتبت- ليلى فريد
قال الرئيس عبد الفتاح السيسي: المفروض الأسعار في مصر تبقى أكتر من كده بكتير وأنا مش بقول كده مجاملة للحكومة، مضيفًا: الدولة المصرية تبذل جهود كبيرة لضبط الأسعار، وتم تأجيل برنامج زيادة تسعيرة الكهرباء للمرة الثالثة.
وتابع في افتتاح مشروع مجمع الإنتاج الحيواني والألبان بمدينة السادات بالمنوفية: “لو فيه فرصة إن مزيد من التوزيع والتسليم للقمح ويبقوا 9 و 10 ملايين طن، وخلوا بالكم فضل كبير من ربنا إننا مرينا بأزمتين كبار، وأثروا على العالم كله، وكنا جزء كبير منهم، وإحنا لسه عظمنا ما نشفش”.
لمشاهد الفيديو اضغط هنا
وأضاف:”بقول عظمنا ينشف لما تلاقوا دخلي تريليون دولار في السنة، ووقتها يبقوا تحاسبوني، ولكن نحلم ونجري على حلمنا دا، أنا بنام وأحلم بدخل تريليون دولار، و10 تريليون دولار، وإن ذلك ليس ببعيد على الله سبحان وتعالي، وكل وقت بقول لك الحمد والشكر رغم كل الظروف التي نحن فيها، وأقدر أقول معندناش مشكلة في حاجة والحمدالله، كل حاجة بزيادة عشان دي مصر، وعشان فضل وعطف وكرم ربنا اللى بيراضينا وهو قادر على ذلك”.
وتابع: “لو كانت تكلفة الطاقة في مصر اتعاملنا بيها طبقا للأسعار العالمية كان حصل قفزة كبيرة جدا في التكلفة، بمعنى أن اللى بينقل منتجاته داخل مصر ما زال بيدفع تكلفة وقود 50% وأقل من 50% لتر البنزين بـ 2 دولار يعنى 40 جنيها”.
وأضاف: “بقول ده للمصريين علشان يعرفوا أن الواقع اللى عندنا ده أقصى حاجة ممكن نعملها لضبط والسيطرة على الأسعار، طبقا للى حصل في العالم النهارده بتكلم عن برميل البترول 120 دولارا طيب لو بقا 150 دولارا؟”.
