السيسي: المصريون لا يمكن يصدقوا إننا نبيع قناة السويس بـ ترليون دولار.. ولو الوعي مش موجود ماكنش الناس استحملت الظروف
كتب- درب
قال الرئيس عبد الفتاح السيسي، إن مساحة شبه جزيرة سيناء الكبيرة والتي تبلغ 60 ألف كم، هو ما أعاق التنمية على مدار السنوات السابقة نتيجة التكلفة المرتفعة جدًا.
وأضاف السيسي، خلال اصطفاف المعدات المشاركة في تنفيذ خطة الدولة لتنمية وإعمار سيناء، الأحد: “هناك حجم من الشائعات والأكاذيب والافتراءات غير طبيعي، آخرها الكلام اللي اتقال خلال الشهر اللي فات، أنا عارف إن المصريين منتبهين لده ومش هيصدقوه لكن اتقال إن إحنا بنفكر نبيع قناة السويس بتلرليون دولار”.
وأوضح: “هتفضل عملية العرقلة مستمرة وهتستمر، وبالتالي محتاجين دائمًا مش هقول وعينا يبقى موجود لأن الوعي الحمد لله موجود لدى كل قطاعات الشعب المصري، ولو الوعي مش موجود مكانتش الناس استحملت معانا الظروف الصعبة والأسعار الغالية اللي بتمر بها مصر بقالها أكثر من سنة دلوقتي”.
وأكمل الرئيس: “أنا بعترف بده لأنه واقع بنعيشه، إحنا مش سببه صحيح، لكن في عبء كبير جدًا جدًا على كل أسرة وكل مواطن مصري نتيجة التكلفة العالية اللي إحنا بنعيش بيها”.
