السيسي: العالم ينظر لمصر باندهاش في مواجهة كورونا.. هندخل الريف وهنخرج منه حاجة تانية خلال 3 سنوات (تفاصيل)
السيسي يتعهد بتطوير قطارات السكة الحديد بالكامل بنهاية 2021: ظروف كورونا منعت من الانتهاء من التطوير العام الماضي
كتب: عبد الرحمن بدر
قال الرئيس عبد الفتاح السيسى، إن الريف سيتغير شكله في خلال 3سنوات بشكل كبير.
وتابع: «إن شاء الله هندخل الريف في خلال 3 سنوات وهنخرج منه حاجة تانية خالص.. مصر تانية».
وأضاف السيسى، خلال افتتاحه مشروعات قومية في شرق بورسعيد، أن أكبر رقم تتكلفه المشروعات في قطاع الصرف الصحى، متابعا: «ننشئ محطات معالجة ثنائية وثلاثية طبقا للموقف.. ولا يمكن يبقى فيه صرف يلقى الترع والمصارف مرة تانية، إحنا بنخطط لعملنا وماشيين بتدرج متوازن جدا».
وقال السيسي: «أول مشكلة كانت بتقابل لناس كانت في قطاع الكهرباء والطاقة.. وعلشان نرفع كفاءة القطاع ده بنتجاوز 1000 مليار جنيه.. المصانع كانت بتقفل بسبب الكهرباء والمستشفيات كانت بتقول فيه خطورة على حياة الأطفال في الحضانات.. والنهاردة عندنا كهرباء زيادة ونقدر نصدر لدول الجوار».
وأضاف: «إحنا ماسبناش قطاع إلا واشتغلنا فيه.. وعندنا مشكلة في مصر والناس كلها قالت مش ممكن حد يقدر لكن ربنا قدرنا.. واللى بيشتغل في مصر شركات مصرية ولو كان ده اتعمل بشركات أجنبية كنا هنتكلف كتير لأنه كان هيبقى بالدولار مش بالجنيه».
وقال السيسي إن العالم ينظر لمصر باندهاش في موضوع مواجهة الدولة لكورونا. وأضاف: «أنا بقولكم ما تندهشوش لأن دي جنود.. دي جنود». وأكد أن مصر مستمرة في مسيرة التنمية، مطالبًا كافة الوزارات والهيئات بمساندة وتقديم كل الدعم لإنجاز المشروعات القومية.
وتعهد السيسي بتطوير قطارات السكة الحديد بالكامل، بنهاية 2021.
وأضاف، أن ظروف كورونا منعت من الانتهاء من تطوير كافة قطارات السكة الحديد نهاية 2020، لكن سيتم الانتهاء منه هذا العام.
وأكد أن كل هذا من أجل المواطن المصري، وتحقيق أهداف الدولة في التنمية.
