السيسي: الحكومة بتعاني معايا لأن مفيش حاجة بتعجبني.. وهنستفيد من كل نقطة مياه

كتب: عبد الرحمن بدر

قال الرئيس عبد الفتاح السيسى، إن الدولة تسعى للحفاظ على المياه بشكل كامل، مضيفا: “مفيش نقطة مياه متاحة ومن خلال مبادرة حياة كريمة ممكن استخدامها طبقا لمعايير الصحة العالمية، إلا وهنكون استنفذنا الإجراءات الخاصة والمنشآت اللي تعمل كده.

وقال السيسي: الحكومة بتعاني معايا لأن مفيش حاجة بتعجبني، أنا بشوف اللي ناقص، ومش هفرح غير لما تخلصوا كل شيئ، وهبقى مرضى لما تخلوا دخل الشخص 10 آلاف جنيه في الشهر.

وتابع خلال افتتاح مشروعات جديدة في الصعيد: “الدكتور عاصم بيقول 1.4 مليون متر مياه في اليوم قبل كده مكنوش بيستخدموا وليهم ضرر بيئى علينا، هناخد المياه ونعملها معالجة ثلاثية متطورة نازلة بدون أي ضرر حتى لو حاجة نزلت النيل ويتم الاستفادة بها دون الضرر بصحة الناس، مفيش نقطة مياه تقدر نستفيد بها للأراضى الزراعية جنب المباني.. هنستفيد منها، ونجمع كل الصرف ده ونعمله معالجة ثنائية .. النقطة دى بقولها لانى مش قد على مستوى 60 محطة بس”.

وأضاف السيسي: “إحنا بنتكلم على الصرف الصحي والزراعي في كل مصر، بنتكلم في مليارات كتير أوي، البرنامج ده يخص محطات معالجة مياه بالمطلق، يعنى إيه؟، يعنى كل المياه اللى ممكن تتعالج مثل الصرف الزراعي، مثل محطة بحر البقر إيه.. دى صرف زراعى ويتم معالجة المياه واستخدمها مرة أخرى، ومحطة الحمام وتوفر 7 ملايين متر مياه فى اليوم وغيره وغيره وغيره”.