السيسي: الحكومة بتتحرق معايا عشان مصر.. والدنيا هتحتار في اللي إحنا بنعمله لبلدنا

الرئيس: قدمت نفسي والجيش فدا مصر في 2013.. اوعوا حد يهد بلدكم ويقولكم كلام كذب وجهل يرقى للخيانة والتآمر

عبد الرحمن بدر

قال الرئيس عبد الفتاح السيسي، إن الدولة المصرية لم تنس مساعدة الأشقاء من 100 سنة لما كانت ظروفها أحسن.

 وأضاف خلال افتتاح مقر الجامعة المصرية اليابانية للعلوم والتكنولوجيا بمدينة برج العرب بالإسكندرية: “البعض لما الصورة اتغيرت البعض بيدوروا على هدم مصر، من فضلكم كفوا ألسنة الكذب والتشكيك عنا، الدنيا هتحتار في اللي إحنا بنعمله لبلدنا”.

وتابع السيسي: “بقول للمصريين هو ده رد الجميل، مصر كانت نواياها طيبة للآخرين، اوعوا حد يهد بلدكم ويقولكم كلام كذب وجهل، وأقسم بالله يرقى للخيانة والتآمر، انتو عايزين تهدوا الدول ليه، مش عايز تساعد متشكرين، لكن ابعدوا عننا بشركم، دي فيها 100 مليون عايزينها تتقاتل”.

وقال السيسي: “الحكومة بتتحرق معايا، كل ما يعملوا أقول لسه، بتتحرق عشان مصر ما تتحرقش، هتروحوا من ربنا فين لما تضيعوا 100 مليون، رهاني كان دائمًا على المصريين ودعمهم”.

وتابع: “السؤال أنا ضيعتكم؟ ولا قدمت نفسي والجيش فدا مصر في 2013، كان عندنا مشاكل في الطاقة والوقود، ولا الكهرباء لسه بتتقطع؟”.

وتحدث السيسي عن الإخوان قائلا: “الوجه المعلن التغيير والوجه الخفي التدمير، تدميير الأمة وتضييعها، هم مش هيبطلوا وكلامي موجه للمصريين”.