السيسي: الإصلاح بقطاع الأعمال لن يكون على حساب حقوق العمال.. أنا لا بخاف ولا بيهمني إلا البلد العمر والمكان اللي فيه بتاع ربنا

السيسي: محتاجين القطاع الخاص معانا وأثبتنا أننا غير أكفاء في الإدارة على مدار 40 سنة.. وربنا أنقذ البلد من الخراب والدمار في 2011

كتب: عبد الرحمن بدر

قال الرئيس عبد الفتاح السيسي، إن الدولة المصرية تسعى للحفاظ على العمالة خلال عملية الإصلاح في قطاع الأعمال، مضيف: “كل النقاش في عملية الإصلاح في قطاع الأعمال شايفين العمالة والحفاظ على حقوقها، وبنحاول نعمل إصلاح، كل إجراء للتصويب والإصلاح لا يمكن يكون على حساب العمال”.

وأضاف، خلال كلمته في افتتاح مشروعات جديدة بالصعيد: “العامل ملوش ذنب في عملية الإصلاح، وبالتالي مفيش إجراء إلا بنأكد الحفاظ على حقوق العمال، والدولة فقط تتحمل التكلفة، الإصلاح لن يكون على حساب حقوق العمال”.

 وأكد أن الدولة المصرية ترحب بالقطاع الخاص، مضيفًا: “القطاع الخاص عاوز يتفضل معانا في المصانع والمشروعات الجديدة يتفضل، وده كلام بقوله لرابع مرة، أهلا وسهلا بالقطاع الخاص، إحنا محتاجين القطاع الخاص معانا، إحنا أثبتنا أننا غير أكفاء في الإدارة على مدار 40 سنة اللى فاتوا، ده عيب عيب الاستمرار على نفس المسار والاقتراض علشان التطوير، وبعد شوية أنا مش مش هكون موجود والوزير كمان مش هيكون موجود والمصانع دى تتدهور تانى لأن منظومة الأداء نتائجها الحقيقية حاجة”.

وتابع السيسي: “الحوكمة كل قرش بيتصرف في المصانع دى وكل لمبة شغالة، بقول كل قرش، ولو حطينا في دماغنا، الحملة اللى بتنقل العمالة جزء من الحوكمة، هنقول منين، القطاع الخاص بيعمل كده، والوزير هشام أكثر واحد شوفته في قطاع الأعمال حريص على الإصلاح، مش أنت جيت قولتلى الناس بنت على أراضى قطاع الأعمال فلل وشاليهات وبيوت يا دكتور مصطفى، كل مصنع كان موجود له حتة أرض زيادة، ونعمل جمعية وبنبى مساكن للعمال وماله، ولكن كل حاجة لازم تكون بحساب، ده مش تكون الكهرباء والمياه والغاز على الشركة، مش مندهشين ومستغربين، عرفتوا ليه بلدكم كانت هتروح في 2011، وكانت هتتخرب وتضيع وأنا بتكلم ليه علشان البلد”.

وقال السيسي: “أنا لا بخاف ولا بيهمني إلا البلد، العمر ده بتاع ربنا والمكان اللي فيه بتاع ربنا”، وتابع: “لن أنسى عام 2011، والمفروض يا مصريين مش تنسوا العام ده، كل إجراء وخطوة مش تنسوا العام ده، اللى أنقذكم ربنا وحده، وربنا اللى أنقذ البلد دى من مصاير الخراب والدمار، ولأجل خاطر الـ 100 مليون مصري”.

وأضاف السيسي: “ربنا انقذ البلد دى علشان البسطاء والغلابة، لحكمة إلهية وربنا انقذها، وهل هنكرر نفس المسار تانى.. لا طبعا؟، الكلام ده لو هيزعلكم أنا هاجى عليكم علشان خايف على البلد، مش تزعل إلا على نفسك وإنك ممكن تكون سبب في دمار بلدك وخرابها”.

وقال السيسي، إن المصانع الجديدة يجب أن يتوافر لها عناصر النجاح بشكل كامل، مضيفًا: “أنا عاوز فرص نجاح للمصانع والشركات الجديدة منعا لتكرار اللى فات، أي مستثمر أو قطاع خاص لما بيعمل مصنع جديد مش بيكون عنده مشكلة في تحديث العمل داخل المصنع ده، لأنه قاعد بيدير صح، الإدارة الجديدة مفيش فيها خواطر، مش هعين حد في المصنع ملوش لزمة، علشان قريبى أو معرفتى أو كلام هذا القبيل”.

وأضاف: “القطاع الخاص شريك معانا، هيدفع ويبقى معانا بفلوسه بقى، بتوع قطاع الأعمال هيزعلوا مني، أنا بتكلم في مصلحة أكبر، بتكلم في مصلحة البلد إنها تعيش وتكبر، البلد تعيش وتكبر وتبقى المصانع عبارة عن أداة في الاقتصاد ورفاهية المجتمع، وده مش هيحصل إلا لما تبقى منضبط في التعيين والتشغيل”.