أول ظهور لهشام سليم مع ابنه نور.. الفنان: أنا جنبك وموجود عشانك.. ونجله: مكنتش حاسس إني طبيعي وفكرت في الانتحار (فيديو)
شكر نور هشام سليم العابر جنسيًا والده الفنان هشام سليم في أول ظهور له معه بعد الإعلان عن تحوله من نورا لنور.
وقال هشام لـ”جعفر توك” على “دويتش فيله”: أنت ابني أنا اللي جبتك ولازم أقف جنبك وأنا موجود عشانك”.
ورد نور بقوله: “لولاك مكنتش هبقى هنا، شكرًا ليك وطول عمرك بتعمل كل اللي تقدر عليه”.
وأضاف نور العابر جنسيًا: “في أوقات كتير كنت بفكر في الانتحار، مكنتش حاسس إني بني آدم طبيعي، مكنتش شايف مستقبل لنفسي واتعملت إني أحب نفسي وأقف على رجلي، ومحدش يقولي صح وغلط وإني أقف على رجلي”.
وأكد هشام: “لم استشر الدين، وكل حد ربنا مش طالب مننا نحكم على حد، ربنا هيحاسبنا في الآخر محدش ليه حق يحاسبني أو يحاسب إبني”.
يذكر أن الفنان هشام سليم، كشف منذ أيام عن أن ابنته نورا أجرت عملية تحول جنسي وأصبحت ذكرا بعد أن كانت أنثى، قائلا: “بنتي نورا بقت ابني نور وربنا اللي عايز كده وهي بتتحول جنسيا حاليا، وأنا مستغربتش أبدا أنها تتحول جنسيا لأنها من ساعة ما اتولدت، وأنا كنت شايف إن جسمها ولد وكنت علطول بشك في الحكاية دي”.
وتابع هشام سليم ، في حوار ببرنامج (شيخ الحارة والجريئة) مع المخرجة إيناس الدغيدي، على قناة القاهرة والناس: “فى يوم من الأيام قالت لي أنا عايشة في جسم غير جسمي وكان وقتها عمرها 18 سنة ودلوقتي 26 سنة”، مؤكدا أن قرار ابنته بالتحول الجنسي لذكر شجاعة منها خاصة أننا نعيش في مجتمع يرفض هذه الحاجات.
وأكد الفنان هشام سليم، أن جميع أفراد أسرته يتعامل الآن مع نور كذكر ويشجعونه على استكمال حياته كولد الآن، معبرًا عن دعمه لأي أسرة تعاني من هذه الأزمة، قائلا: “عايز أقول الله يكون في عون الابن اللي كده أو البنت، ويكون في عون أهلها، وأنا كأب مهما حاولت مش هقدر أفكر زي ما ابني بيفكر الآن”.
