عمرو أديب يروج للسياحة في مدينة “جدة” ويشيد بدعوة آل شيخ لتكريم طلال مدّاح: السعودية دي يا جماعة بتنطلق للمستقبل بسرعة لكن معاها ماضيها

كتب – أحمد سلامة

أشاد الإعلامي عمرو أديب، مقدم برنامج “الحكاية” عبر قناة “إم بي سي” السعودية، بدعوة تركي آل شيخ رئيس هيئة الترفيه لتكريم الفنان الراحل طلال مداح.

وقال أديب “إمبارح حصل حاجة يجب متابعتها، بجد والله يجب متابعتها، سيادة المستشار تركي آل شيخ كتب تويتة قال فيها أنا عايز أعمل تكريم للمطرب العظيم طلال مداح هذا المطرب العظيم اللي توفى من سنوات وهو أيقونة من أيقونات الغناء السعودي والعربي، وقال إن اللي هيساعده في هذا الأمر كأنه كرمني أنا شخصيا، في ظرف ساعة كان في أكتر من 30 مطرب سعودي وعربي عرضوا تطوعهم للمساعدة من النجم محمد عبده”.

وأضاف “البلد دي يا جماعة (السعودية) بتنطلق للمستقبل بسرعة ولكن معاها الماضي بتاعها، معاها أصالتها، هذا الاتجاه في الغناء والترفيه في الفن السعودي يشجع المواهب الجديدة ولكن هو دائما لا ينسى تاريخه ولا تراثه، معاهم الماضي بتاعهم وهه بيتقدموا في المستقبل.. أكيد هنشوف حفلة غير طبيعية”

في سياق متصل، امتدح أديب المدينة التاريخية وكورنيش مدينة جدة قائلا “دايما عارفين إن جدة غير، إحنا السنين اللي فاتت دايما عارفين إن جدة غير، من المدن العربية اللطيفة جدا، فيها كل حاجة، أهلها ناس جميلة، وجودك في جدة ممكن يكون له أسباب كثيرة، سواء كنت في عمرة أو حج بعد ما تخلص تروح جدة وأنا دايما بعتبرها مركز من مراكز (الشوبينج) الجامدة جدا في العالم العربي، يا جماعة الأكل السعودي غير طبيعي وجدة بها عدد كبير من المطاعم السعودية ومطاعم آسيوية كتير من اللي انا بعشقها”.