علي لطفي يودع جماهير الأهلي برسالة مؤثرة: آخر يوم ليا في النادي اللي كان حلم حياتي ألعب فيه من أول ما بدأت كرة 

كتبت: ليلى فريد 

حرص علي لطفي حارس مرمى نادي الأهلي، على وداع جماهير فريقه برسالة مؤثرة بعد رحيله رسميا عن القلعة الحمراء، بعد مسيرة دامت لـ6 سنوات. 

يشار إلى أن نادي زد، الصاعد حديثا للدوري الممتاز، أتم إجراءات تعاقده مع علي لطفي لمدة 4 سنوات، ليرحل رسميا عن صفوف القلعة الحمراء. 

وكتب لطفي عبر حسابه الرسمي على «انستجرام»: «مش عارف ابدأ منين ولا منين بس جوايا مشاعر، مش عارف أعبر عنها، النهارده آخر يوم ليا في النادي اللي كان حلم حياتي إني ألعب فيه من أول ما بدأت ألعب كرة». 

وتابع: «النادي اللي قضيت جواه أحسن 6 سنين في حياتي، حققت فيه بطولات وإنجازات هتفضل وسام علي صدري 6 سنوات، شوفت فيهم كل الحب والاحترام من كل فرد في منظومة النادي الأهلي». 

وأضاف: «ويعلم ربنا إني مقصرتش يوم في حق النادي 6 سنين، كان نفسي يبقوا 30 سنة بس دي سنة الحياة، و حابب أشكر إدارة النادي بقيادة الأسطورة محمود الخطيب أنه تفهم موقفي إني حابب أطلع وأشارك؛ لأن التواجد في الملعب هي الحاجة الوحيدة اللي ممكن ترضي أي لاعيب كرة». 

وواصل: «ومكنتش هفكر أسيب النادي الأهلي، إلا لما الاقي مشروع كروي كبير يرتقي لطموحاتي اللي اتعودت عليها جوه النادي الأهلي، ولقيت كل الي بدور عليه في منظومة نادي ZEDالمحترمة والمحترفة بما تحمل الكلمة من معاني.. والله الموفق والمستعان ونسألكم الدعاء بالتوفيق والسداد».