رسالة من تامر حسني لبسمة بوسيل بعد إعلانها الانفصال عنه: إزاي وصلوكي للزعل والبعد.. متهورة بس بحبك

عبد الرحمن بدر

علق الفنان تامر حسني على تصريحات زوجته المغربية بسمة بوسيل التي أعلنت فيها الانفصال منذ عدة أيام.

وكتب تامر حسني في حسابه على “انستجرام”: “بسمة حببتي للأسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتيني عليها وحبيبتني بيها، إزاي وصلوكي للزعل والبعد فترة .. المهم أنا مش هزعل منك ولا يرضيني زعلك انتي حبيبتي وأم ولادي .. أنا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير”.

وتابع تامر: “ليه لما اي حد بيزعل من حد بيطلع يكتب عليه في السوشيال ميدي طب حتي يكلمه الأول ايه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم”.

وأضاف: “ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب إن الإنسان يغلط ويتعلم وأنا ياما علمتك ولسة هعلمك”.

واختتم تامر حسني: “كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا.. وبينا حب عالي وحياة كريمة وأولادنا وبيتنا أغلي ما فيها ربنا يخلينا ليهم ويخليهم لينا يارب..  متهورة بس بحبك”.

يذكر أن بسمة بوسيل أعلنت منذ أيام نبأ انفصالها عن الفنان تامر حسني، وأكدت أنهم ينهون إجراءات الطلاق الرسمي، بعد زواج دام 8 سنوات وأثمر عن ثلاث أطفال.