بعد واقعة التنمر والتحرش بصورة طفلته.. عمرو السولية: اتخذت الإجراءات القانونية ضد من أساء لي أو أسرتي
عبد الرحمن بدر
قال عمرو السولية، لاعب النادي الأهلي: “تم اتخاذ كافة الإجراءات القانونية وعمل محاضر لكل من أساء في حقى أو في حق أى فرد من أفراد أسرتى”.
وأضاف السولية في حسابه على “تويتر”، الاثنين: “ياريت أي حد يتعرض لأي موقف مشابه ميسكتش عن حقه علشان نقدر نقضى على الظاهرة البشعة المنتشرة في مجتمعنا وسيحاسب كل من أساء ربنا يحفظنا جميعًا”.
وفي وقت سابق قال السولية في تدوينة له على (انستجرام): “ليلى بنتي عندها ٣ سنين ونص (لسه قالعة البامبرز من كام شهر) الكلام ده بيتقال على طفلة !! ايه اللي يخلى (بني آدم) خنزير ممكن يبص على لبس طفلة ويركز غير أنه فعلاً خنزير ؟! إيه المرض ده” !.
وتابع السولية: “دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، أتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل”.
وأضاف اللاعب:”قررت أتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.
يذكر أن عمرو السولية شارك صورة له ولابنته وعلق عليها: “كل شيء بالنسبالي”. وفوجئ أن بعض المتابعين هاجموه بزعم أن ملابس طفلته غير محتشمة.
ووجه عدد من اللاعبين رسائل دعم لعمرو السولية، مؤكدين تضامنهم معه للحصول على حقه.
