بعد مشاركتهما في “ليلة الدموع”.. تامر عاشور: أحمد سعد بيغني أحسن من أي حد  

كتبت: ليلى فريد  

شكر الفنان تامر عاشور الفنان أحمد سعد، بعد مشاركتهما حفل “ليلة الدموع” والذي أقيم يوم الخميس الماضي على مسرح “بنش مارك” في جدة. 

ونشر  تامر عاشور صورة لأحمد سعد من كواليس الحفل عبر حسابه الرسمي على “Instgram”، وعلق: “أحمد سعد بيغني أحسن من أي حد وينافس ويثابر ويبذل مجهود ويتحدى ويفرض ذوقه وفنه في كل مرة لحد ما يوصل للي عايزه ويرضيه ومش أي حاجة ترضي فنان بقدرات وفن الراجل ده”. 

وتابع: “كل ده حصل و بجدارة وتفوق وبيحصل وهيحصل كتير، ولو اتكلمت عن أحمد سعد الجدع اللي ياريت كل الناس تبقي عندها نيته وقلبه الأبيض اللي ميختلفش عليه اتنين، وناس كتير معاشرينه عارفين ده كلامي مش هيوفيه حقه”. 

وأضاف: “أنا بحبك وبحترمك وبحترم مشوارك ونجاحك يا صديقي فوق الوصف وافتخر بيك ربنا يزيدك ويبعد عنك كل شر”. 

يذكر أن أحمد سعد عقدم عقب انتهاء فقرته الغنائية بحفل “ليلة الدموع” الفنان تامر عاشور واستقبله بالأحضان على مسرح الحفل، ليقرر “سعد” بعدها مغادرة المسرح إلا أن تامر عاشور أصر على تواجده وقاما بغناء أغنية “تملي” سويًا على طريقة الديو.