السيسي: 3.5 مليون فدان بنسابق الزمن علشان يخشوا الخدمة في أسرع وقت ممكن
كتب: عبد الرحمن بدر
قال الرئيس عبدالفتاح السيسى، إن القيمة المضافة للغاز الطبيعى أفضل من بيعه بشكل مباشر، الغاز الطبيعى أفضل استخدام ليه مش إنك تبيعه، علشان يخش فى الصناعة ويعمل قيمة مضافة”.
وتابع: “لما أخدنا قرار إنتاج الأسمدة الأزوتية أخدنا 4 سنين علشان نفتتح المصانع دى بالاشتراك مع الشركات اللى بتعتبر أفضل الشركات فى العالم فى هذه المجالات”.
وأضاف خلال افتتاح مجمع الأسمدة الأزوتية في العين السخنة: “كنا ضاغطين فى التوقيت علشان ننجز المهمة في أسرع وقت، وفيه ناس بتقول انتوا ليه مش مهتمين بالصناعة؟، علشان هناخد وقت وتكلفة كبيرة.. 800 مليون دولار تكلفة المجمع ده رقم كبير علشان تعمل مصانع كبيرة تحقق بيها حاجاتك اللى انت عاوزها ويبقا فيه جزء للتصدير هياخد وقت، ننتبه إحنا كان عندنا أولويات”.
وتساءل السيسي: “هل أقدر أعمل مصنع زي كده غير لما يكون عندي طاقة كهربائية وغاز؟، مش ممكن”.
وعن مشروعات الأراضى الزراعية الجديدة قال السيسي: “3.5 مليون فدان بنسابق الزمن علشان يخشوا الخدمة في أسرع وقت ممكن.. الـ 3.5 مليون فدان هل مصر خلال 40 سنة فاتت عملت برنامج لـ 3.5 مليون فدان؟.. بنتكلم بما يرضى الله ومقصدش حاجة علشان كده بقول خد الناس تشوف بقا”.
