السيسي يرد على انتقادات حقوق الإنسان: مش عارف أعلم مش عارف أعالج مش عارف أشغل.. روحوا المرج والمطرية وشوفوا (فيديو)
كتبت: ليلى فريد
رد الرئيس عبد الفتاح السيسي على انتقادات بعض الدول لأوضاع حقوق الإنسان في مصر، وقال السيسي: “حقوق إيه؟، أنا مش عارف أعلم مش عارف أعالج مش مش عارف أشغل مش عارف أسكن، روحوا المرج والمطرية والخصوص وشوفا لما أمشي في الشارع بشوف إيه”.
وأضاف السيسي خلال إطلاق مشروع تنمية الأسرة المصرية: أقابل الناس تقولي زعلانة منك، طب ليه؟ أنا عندي 6 عيال، طب أنا أعمل إيه، أه والله، طب هما مش بيحبوا الحاجات دي عشان التلفزيون يعني، قولتلهم طب أنا عندي 100 مليون، بقول ده لكل اللي بيسمعنا، اللي بيقول انتوا ليه مش بتدوا حقوق الناس، حقوق إيه؟ أنا مش لاقي أكل، روحوا المرج والمطرية والخصوص، شوفوا لما بمشي في الشوارع بلاقي إيه، دي بلادنا.
وتابع السيسي: يا اللي في الجامعة والكنيسة والمسجد، انزلوا شوفوا البلد، أنا علشان أفتح شارع، بشيل 1000 بيت علشان الناس تمشي في حتت محدش يمشي فيها، طيب أنت إيه حكايتك النهاردة، بقول كده علشان دي بلدنا كلنا.
