السيسي: معندناش تحديات كبيرة قوي زي بلاد أخرى علشان الأمن والاستقرار اللي موجود في مصر.. إحنا واقفين على أرض صلبة (فيديو)

كتب – أحمد سلامة

شهد عبدالفتاح السيسي، رئيس الجمهورية، اليوم الخميس، حفل تخرج دفعة جديدة من طلبة الكليات والمعاهد العسكرية وذلك بمقر الكلية الحربية.
وخلال كلمة ألقاها، أشاد السيسى، بجهود المواطنين والقوات المسلحة والشرطة، في الحفاظ على الدولة قائلا: “أتصور، واتكلمت في المسألة دي كتير قبل كده، وقلتلكم المشاهد اللى بنشوفها حوالينا بتؤكد حاجة واحدة بس أن الجهد اللي بُذل من كل مواطن مش الجيش والشرطة للحفاظ على الدولة جهد مشكور وبيخلي الـ 104 ملايين وأكتر موجودين على أرض مصر عايشين وعندهم أمل فى بكرة”.
وأضاف “كل المصاعب بفضل الله سبحانه وتعالى هنعبرها واحنا بخير وفى خير، وأقدر أقول أن احنا واقفين برضه على أرض صلبة معندناش تحديات كبيرة قوى زى بلاد أخرى ليه؟ علشان الأمن والاستقرار اللى موجود فى مصر”.
وشدد السيسي بالقول “هو ده دور الجيش انه يحمي ويصون ويضحى علشان تبقى البلد دي دايمًا ثابتة مستقرة وآمنة سالمة إن شاء الله”.
ضاف الرئيس السيسي خلال حفل تخرج دفعة جديدة من طلبة الكليات والمعاهد العسكرية: “لو كنتم شوفتم من سنتين كلنا كنا واقفين ولابسين علشان كورونا والناس كانت متصورة أنه اخر الدينا.. لا مش اخر الدنيا ولا حاجة وانتهت بفضل الله سبحانه وتعالى”.
وبدأت وقائع الاحتفال باستعراض حرس الشرف وعزف السلام الجمهوري فور وصول الرئيس السيسي إلى منصة الاحتفال.، وعقب ذلك أدى حرس الشرف من طلبة الكليات التحية العسكرية.