السيسي: ربنا هيقولي الكرسي ده اللي جبتك فيه وأنا اللي همشيك منه.. يؤتي الملك من يشاء وينزع الملك ممن يشاء

كتب: عبد الرحمن بدر

قال الرئيس عبد الفتاح السيسي: “النمو السكانى زاد وقيمة السلعة زادت وحجم المستفيدين زادوا، ده كلام نقدر نستمر فيه على طول؟!.. وكمان لما نبقى 120 مليون أو 150 مليون نسمة.. أنا مش هبقى موجود في الوقت ده.. والأمانة إننا نفهم إيه بيحصل.. واتعامل معاه وكأنه حصل.. ولو أنا قولت أنا مش هكون موجود في الوقت ده.. وكانت شايف اللى بيحصل للبلد دى بالطريقة اللى ماشيين بها دى”.

وأضاف خلال افتتاح مشروعات سكنية متنوعة من مدينة بدر: “ربنا هيسألنى كنت فاهم وساكت ليه.. وهل كنت عاوز استمر على الكرسى.. ربنا هيقولى الكرسى ده اللى جبتك فيه وأنا اللى همشيك منه.. مالك الملك يؤتي الملك لمن يشاء وينزع الملك ممن يشاء.. محدش بيجيب حد ومحدش بيمشى حد، طب أنت عملت كده ليه هقوله إيه ساعتها، الأمانة تقتضى التصدي للمشاكل وحلها، ودى فرصة أننا نشوف ده”.

وقال السيسى، إن برنامج الدولة في رفع الكفاءة وتحسين أحوال الناس مستمر.. مستقبل البلاد مش كلام، والجهد مستمر لأن حجم المطلوب ضخم، وبندخل من مكان إلى مكان وبنحسن ده وده، كان لابد أن نطور البلد ومش بالكلام .. ده جهد وعرق وتضحية علشان الأجيال الصغيرة تعيش ويكون لها مستقبل”.