السيسي: الناس متصورة إن محطات الأمن في بداية الطريق لتحصيل الفلوس.. هي فعلا علشان الفلوس والمليارات زي الكوتشينة (فيديو)

كتب: عبد الرحمن بدر

قال الرئيس عبد الفتاح السيسي، رئيس الجمهورية،: “علشان أعمل محطات أمن في بداية الطريق، الناس بتتصور إنها موجودة لتحصيل فلوس، فقال كامل الوزير، وزير النقل، لا يافندم، فرد السيسي: لا يا كامل لا هي عشان تحصيل فلوس يا كامل.

وقال السيسي خلال افتتاح مشروعات بالصعيد: معرفش عاملين خدمات للطرق دي ولا لأ؟، زى محطة وقود مثلا، بقول للناس اللى بتشتغل في الطرق وعاوز تعمل محطة وقود وتشغلها إنت على الطريق ؟ فيه بعضهم مش اقتصادي بس النهاردة بتتكلم في طريق 500 كيلو تفتكر لو عملنا على المحاور دى محطات الخدمة بسميها مناطق تنموية مبسمشهاش محطة وقود، واحد عاوز يخش ساعة يريح انتوا مستعدين تعملوا ده؟، مضيفًا: “الخدمة توفر عامل أمن ممكن يكون فيه سيارة إسعاف وإنقاذ وشرطة ووزارة الاتصالات تحط برج إشارة علشان يتغطى الطريق بالخدمة بتاعته”.

وتابع السيسي: “علشان أعمل محطات، ناس كتيرة متصورة إنه علشان تحصيل فلوس، أه علشان تحصيل فلوس، ومازح الرئيس وزير النقل قائلا: “المليارات زى الكوتشينة”.

وقال السيسي:”بقول للى بنتكلم فيه في الصعيد بس، 1.6 تريليون جنيه للنقل بس، أبو قير فيه أرصفة جديدة حوالى 6-7 كيلو بعمق 22 مترا على سبيل المقال، مشروعات وزارة النقل حجمها كبير”.

وأضاف السيسي:”حجم أخر لم يذكر هنا، ومش هقول المفروض أنه يقولهم، بقول حجم العمل اللى بيتم في مصر في كافة القطاعات، 1.6 تريليون، 1600 مليار في كل القطاعات، الدكتور مصطفى مدبولى بيقولى 6.2 تريليون جنيه، 6 آلاف مليار و200 مليون ولسه شغالين”.